拍拖為性

第一次
對象係網上認識。
老實講其實冇咩保障，當時從來都未見過。
但係已經每日傾電話message。
當然幻想就梗係美好。

但係本身冇咩輸嘅心態都係繼續維持落去。
直到第一次嘅相見。

屯門醫院 下午


女生因為先天疾病。
偶爾需要留院。
當時佢希望我去接佢出院。
個陣其實大家都已經傾咗三個幾月。
只係差踏出第一步。
咁啱嗰日我係有時間。
就開始咗我嘅旅程。
呢個故事嘅開始，
亦都係第一次既拍拖。



老實講對方唔係我鍾意嘅類型。
斯文，樣貌身材普通。
一般港女樣，冇咩特別。
就算你而家問番我都諗唔起嘅大眾臉。

山長水遠嚟到點都要寒暄幾句。
但係從對方嘅肢體語言。
好明顯佢對我極其滿意。
但係當時由於第一次。
我係唔識得拒絕。


所以全程都俾佢拖住咗隻手。

佢對我好好又未至於。
對我好差又談唔上。
或者呢個年紀大家都只係搵個玩伴
當時我同佢都係16歲。
本來快速斬欖可能係我哋最好嘅結局。
但係事實佢同我上咗寶貴嘅一課。