人妻出軌的二三事: 56 老闆 9
「起身，我送你返去！」
Leonard拍我背脊，披件袍喺我身上，扶住我落床，我忍住痛，一拐一拐慢慢行出別墅。
「唞一唞？」
Leonard見我腳不停咁震，痛到猛出汗，想叫我休息一陣。
心想住以後唔會再嚟呢度，就算幾辛苦我都要盡快離開。
～～～～
「到底有乜嘢要求老闆？」
返到寫字樓，Leonard主動問我。
「聽日可唔可以帶囡囡⋯⋯」
「記住要求只可以一個！」
Leonard制止我講落去，見我受咁多折磨，一定有更重要嘅要求，佢唔想我浪費咗喺帶囡囡嚟見我呢啲小事上面。
「我希望老闆可以幫我爭取到囡囡撫養權，然後俾阿Mark做囡囡嘅監護人。」
Leonard偷睇過我手機內容，又見過阿Mark，知道係邊一個人。
「我會將你嘅要求同老闆講！」
「Leon，唔係同佢講就算，老闆應承過我嘅！我要佢做得到呀！」
「唉，慧，我唔知老闆喜歡你定係憎你，咁多年嚟，佢從未答應過同佢雙修女人仼何要求，從來只有佢主動俾你，從未試過有入問佢要仼何嘢！」
「Leon，麻煩你要老闆一定做到，如果佢要我條命嚟交換，我可以俾佢！」
「都好嘅，老闆憎厭細路仔，你處理好你個女嘅監護權，再專心跟住佢，都係好安排！⋯⋯阿Mark⋯⋯」
～～～～
休息咗一日，我替囡囡向學校請咗兩日假，忍住傷口痛楚，接咗佢出嚟，同佢四圍行吓，食吓嘢。
「媽咪，你腳痛？我哋返屋企啦。」
囡囡見到我行路拐拐吓，唔忍心我腳痛都同佢行街。
「唔怕，媽咪想同囡囡相處吓。」
「等你腳唔痛，我每個星期六、日都可以同媽咪行街嘛！」
「囡囡乖⋯⋯」
佢咁講，我忍唔住眼淚，攬實佢。
～～～～
「慧，你老公已經放棄咗撫養你個女，正式分居協議一日內攞過嚟俾你簽名。」
Leonard唔使好多時間，喺我開出要求嘅第三日黃昏就俾電話通知我。
大致上準備好，我珍惜同囡囡一齊嘅每一秒，假期最後一日，我陪佢到好夜，先送佢番嫲嫲度。
「Mark，有無阻你瞓覺？」
我返到寫字樓，覺得夜晚我先可以冷靜啲講說話，所以漏夜俾電話阿Mark。
「我嚟緊去一次遠行，你可以幫我照顧囡囡嘛？」
「同你老闆？！你哋唔係去蜜月嘛？！」
阿Mark好失落，傷感。
認識我咁耐，知道我無經濟能力出外遠行，佢好愕然，以為係我同Leonard一齊。
「無咁嘅事。」
我唔可以同佢講得咁清楚，阿Mark雖然一肚疑問，佢都答應我。
「咁日後辛苦你喇！」
我忍眼淚忍得好辛苦，無論如何都唔可以露出一啲蛛絲馬跡。
「去幾耐呀？」
「⋯⋯未定⋯⋯如果我去耐少少，你會唔會改變主意？」
「當然唔會啦，不過⋯⋯唉，佢肯陪你去散吓心都好嘅。」
自從我同Leonard一齊之後，佢諸多阻止我見囡囡，囡囡學識咗同阿Mark傾電話，講心事，佢可能將屋企近嚟發生嘅事向阿Mark提過。
阿Mark仍然以為Leonard陪住我一齊，我唔想講個真相俾佢知，留返最後一刻先解釋。
～～～～
「你攞咗撫養權就夠啦，又要攪監護權做咩？你唔好亂嚟呀！」
Leonard攞啲法律文件上嚟俾我簽名，覺得我咁做唔尋常，我堅持咁做，佢奈我唔何。
跟住交咗一張十萬蚊支票俾我，話係早幾日我俾咗老公，佢還番俾我嘅，我諗老闆又係用多過十萬嘅好多倍銀彈向老公交換。
我絕對唔係亂嚟，命運安排我行到呢一步，我經過深思熟慮，而加所有放心唔落嘅事都幾乎解決晒。
「慧，我之前無呃你，真係想同你一齊！」
Leonard忽然舊事重提。
「過去嘅習慣，老闆同女仔雙修兩三日，俾啲錢，就唔再理佢哋，以後再無膠葛，估唔到今次對你，佢改變晒以前習慣！」
Leonard拖住我手嚟解釋。
無論點講都好，噩運永遠都落喺我身上。
嗰日佢一直留低喺度，對我攬攬抱抱，到夜晚都無走，感覺上，佢只係想啄食老闆口中跌出嚟嘅食物碎屑。
佢瞓喺我旁邊，而加我只係一個行屍走肉，邊個喺身邊都無所謂。
到半夜，佢側身過嚟攬住我，錫我，攝手入我件衫玩我個波。
我無掙扎，又無反應，木頭咁瞓喺度，佢就除咗條褲，捉住我隻手去佢嗰度，要我同佢打飛機。
未滿足我淨係用手，佢坐上嚟我心口，塞條啫入我口。
「老闆知唔知？！」
我機械人咁同佢講。
佢真係冷卻咗落嚟，轉身望住天花板，跟住走番出寫字樓，無幾耐，我聽到開門，跟住係閂門聲。
～～～～
「囡囡乖，哥哥會陪你，你要聽話！」
第二朝一早，囡囡返學之前，我俾電話佢，想向佢講聲對唔住，不過怕影響佢心情，我喊都唔可以俾佢知，同佢講我永遠愛佢，將佢嘅聲音留喺心裡面，到最後唔收線唔得，我隔住電話錫佢，再交帶佢。
我抹乾眼淚，寫好一張十萬蚊支票，係老公還番俾我嘅，一陣放入阿Mark信箱。
執好一袋屬於自己嘅行李，執拾好地方，留低寫字樓鎖匙，連埋一張辭職通知，希望每一樣嘢都交代清楚先離開。
～～～～
我問過Leonard，想攞番屋企鎖匙，佢無俾我，又問我要嚟做乜，我怕佢知道我將會打算做乜嘢，唔敢再問佢。
搵咗鎖匠嚟打開屋企木門，屋企雖然簡陋，不過每一樣嘢都令我回憶，我想喺最熟悉，最鐘意嘅地方行埋我最後一程。
我沖乾淨涼，洗好頭，換過晒啲衫，化咗一個淡妝，一切都整齊乾淨。
「Mark，慧姐今日開始去遠行，我要向你講聲拜拜。
我過去做人渾渾噩噩，呢一年更加自甘墮落，老公一家，甚至囡囡都受到我拖累，去到返唔到轉頭嘅地步。我命運註定唔可以有幸福生活嘅人，唯一嘅幸運就係遇見到你，可惜我無咁嘅福份同你相處多一啲時間。
我做人一蹋糊塗，但囡囡係無辜嘅，佢有你照顧，係佢嘅福氣，我都可以放心，以後就要辛苦你，我好自私，但真係無人會可憐我兩母女，日後環境如果唔容許你照顧囡囡，我求你代我搵一個愛錫佢嘅人繼續照顧佢。我同囡囡一齊多謝你嘅大恩大德！」
我俾最後一個短訊阿Mark，好多嘢想同佢講，但係亂糟糟唔知點表達。
短訊送出咗，我攞醫生俾我一星期藥量嘅安眠藥，一口氣呑晒落肚，然後瞓上床。
我開始迷糊，但係胃好唔舒服，裡面好似翻滖緊大風浪，我要嘔，但係嘔唔出，只係好多白泡喺喉嚨，呼吸開始困難，慢慢我意識唔到周圍嘅事物。
我迷迷糊糊感覺有人抱住我。
「慧姐⋯⋯」
耳邊有人細聲叫我，攬住我，不停拍我塊面，叫我唔好瞓。
依稀聽到救傷車嘅警笛聲，嘈雜聲越嚟越多，我搖搖晃晃咁俾人抬起，跟住我就無晒知覺。
～～～～
朦朦朧朧，有啲光刺激我對眼，自然反應想張開對眼，但係要花好大力氣，微微撐大咗少少，一秒後，又攰到合返埋。
我唔知自己係咪落咗地獄，全身一啲力都無，仍然想掙扎，感覺到隻手俾人拖住。
我唔想，亦都無能力撐開眼，只係有少少知覺，分唔清楚自己係昏迷定係瞓著，四圍環境由光變暗，又由暗變番光。
感覺到走埋嚟我身邊做嘢嘅人，由頻密而續漸減少，定時定候一定有隻手拖住我，一陣暖流由嗰度傳送過嚟。
隨住光暗循環，日落日出，我嘅意識仍然薄弱，不過係好慢咁復甦。