那天放學後，我撞見有同學在學校後樓梯敦倫: 80 - 後樓梯（2）
「咁小事，咪咁小氣啦。」
「咩小氣？你識唔識咩叫尊重啊鋒鋒。」
「喂，由頭到尾都係妳無理取鬧喎。」
「我無理取鬧？你都打橫嚟，唔想同你傾，你唔好嚟搵我，我唔想同你傾！」
話音剛落，子芊大步走向課室門口，然後大力打開門，導致開門時發出了大力的「呯」一聲，幾乎全個班房的同學都轉過頭來看看發生甚麼事。
「芊芊！」
我希望叫她停步，但是她已經消失
於樓梯口中。
除了班房的同學希望了解發生甚麼事外，班房外剛經過的阿方也進來詢問我。
「搞咩啊，做咩阿嫂咁嬲？」
「我飲咗佢支水一啖，平時我哋交換嘢飲又冇乜嘢，唔知點解今日佢發晒脾氣，咁火爆。」
「佢係咪M到啊？」
「唉，係喎，我唔記得咗呢樣野。」
「咁就死啦國鋒，你真係一個唔稱職嘅男朋友，失敗。同埋，女朋友打橫嚟講嘢唔係天經地義㗎咩。」
「我下次應該忍咗佢，咁就唔使搞到咁大件事。宜家搞成咁，應該點算好......」
「快啲打個Whatsapp俾佢道歉，再提佢飲多啲暖水。」
「阿方，你係嚟搞事㗎喎。咁嘅形勢仲提暖水呢啲硬膠嘢，真係未死過。」
「屌你，我識氹女仔嘅我神早溝撚到女啦！之但係，你唔打算道歉？」
「道歉係必須㗎喇，不過我想親自去搵佢，有誠意好多。」
「唉，國鋒你加油喇，我都唔會想見到我老友同阿嫂冷戰。」
xxxxxxxxxxxxxxxxxxxxxxxxxxxxxx
（子芊視覺）
呢個垃圾鋒，諗起佢就激氣。佢竟然無啦啦話我小氣！呢個人根本完全冇尊重過我，我本身m痛上PE堂，上到嚟先醒起唔記得買水，最慘嘅莫過於佢竟然飲緊我本來水壺入面為數唔多嘅水！
激鬼死人。好煩。唔諗佢喇。
我氣沖沖地走向樓梯口方向，但人來人往的樓梯讓我感到更煩躁。
於是，我走到後樓梯的門前，那兒比較安靜。在門前，我看到一個警告牌。
「工程進行中 請勿進入」
宜家一定冇工程，從來未聽過返學時間後樓梯會在裝修。
我推門進去，向上走了三級樓梯，習慣性地在坐下時用手整理裙子。
但是在坐下後，我想起後樓梯根本沒有人，所以我決定不顧儀態這鬼東西，張開雙腿讓我坐得更舒服。
我環視着四周，看到貼在樓層號碼旁邊的告示牌："No unauthorized for student entry."
哈，我仲記得鋒鋒之前同我分享過地獄黑仔王同肥曾喺後樓梯嘅事。真係笑死我。
啊！！！！！
我又話要唔諗佢......
算啦，其實我又真係唔應該咁嬲。
突然，我聽到上面的樓層傳出微弱的聲音。
會係邊個？
裝下先。
我小心翼翼、盡量放輕腳步地向上走，追蹤着聲音的來源。
我走上一層，聽到有不只一把男聲。
「......相比之下真係正啊喂。」
「咦，姚sir，乜咁啱。」
「係食就記得睇住時間。」
「知道。」
ig: marx_ice_