那天放學後，我撞見有同學在學校後樓梯敦倫: 77 - 你個野壞左呀

（阿方視角）

屌。

連續三年讀中三，今年溫書一定要更加認真。今年是我第三年進去同一個班房了，我希望這也是最後一年。

我有研究過應不應該轉校，但是我看到其他同區的學校是用中文教大部分科目，包括以中文教數學。我想還是算吧，在汕頭工商總會中學讀多一年是最好的選擇。

此時，我察覺到班房裏也有一位熟悉的身影。





我大力走向他的背面，拍向他的肩膀。

「喂！」

「嘩，hi你，嚇死人咩。阿方？！做咩無啦啦拍我個膊頭。每個人喺社會上面都有壓力，我有壓力，你有壓力，你做乜挑釁我呀？」

「你好呀袁世傑，我哋又同班喇。」

「你答我，我抄緊功課，你拍我膊頭做乜嘢？」





「暑期功課呢啲求其撩隻龜上去都得啦，交咗咪得囉，老師都唔會認真改㗎啦。係喎，今年邊啲老師教主科呢？」

此時，坐在袁世傑旁邊的同學突然加入對話。

「哎呀，搞錯，應該做戲做全套㗎嘛，你都未叫佢揸手先，未揸手咪未解決。係喎，今年我哋班主任係黃sir，佢應該會教我哋中文。」

「邊個黃sir？」

「肥嗰個，會教普通話嗰個。唔係中史嗰個呀！」





「係咪即係之前炒車嗰個？」

「係呀係呀。咦，你好熟面口喎，你係咪之前台長選學生會嘅助選團嚟？」

「嘩，呢件事好耐之前囉，咁你都認到。」

「我梗係記得嗰一年嘅學生會選舉啦。當年另一個內閣嘅其中一件競選小物係購物袋，但係佢個pk紅色袋甩色嘅，搞到我洗衣機入面嘅白色衫染咗做紅色，我嬲到上台質詢佢哋。」

「哦~我記得你啦！你搞到人哋個內閣口窒窒咗十秒，跟住靜咗喺度。我想講嗰一屆學生會選舉真係好精彩，諗番都覺得好傳奇。台上面兩個內閣火力四射，台下面又停電又選舉舞弊，最後仲要重新點票。呢個選舉我成世都會記得。係喎，點樣稱呼？」

「林栢豪，可以叫我做Jack。」

此時有人從課室外走進來，並且說：

「大家返埋位，起立。同學你哋好，我係黃老師，教你哋今年中文同埋普通話。各位同學早晨。」





「黃老師早晨。」

「我攞返支咪先。咁呢...」

此時，咪箱發出很多刺耳的聲音，大聲得我們也趕緊用雙手掩著耳朵。

「喂。喂。」

看來，黃老師這一堂班主任課不能用麥克風了。他關掉了麥克風的開關，並且走出課室。

「等我一陣。」

一兩分鐘後，黃老師與電腦室的技術人員一起進了課室，並且跟技術人員說：





「你個野壞左呀。我一插條線落去個咪箱嘅時候，個咪箱即刻發出噪音......」

在技術人員正在努力進行維修的時候，包括我在內，我們班的同學都在忍笑。當中，很多同學也在重複剛才黃老師的那一句說話。

「你個野壞左呀。」

黃老師也有向著我會說：

「噓，靜啲。」

其實，這間垃圾學校的設施這麼殘舊，有這個情況發生也是意料之中。

（阿方視覺完）