那天放學後，我撞見有同學在學校後樓梯敦倫: 37 - 後樓梯

「黐線㗎！」

「邊個痴咗線啦？」

「教歷史嗰條粉皮囉，佢出咗40分、六條長題目，你話黐線唔黐線？」

「上到高中，如果你要揀歷史，都係冇MC同multiple choice㗎喇。」

「冇MC？係冇MC $oho & Kidney定冇MC張天賦？」





「夠喇，好爛呀。跟我行啦。」

「去邊呀台長？做咩行去後樓梯嗰邊呀？唔係封咗㗎咩？」

「喺大部分人眼中後樓梯係封咗，以喺我眼中只不過係後樓梯入口豎咗個“工程進行中 請勿入內”嘅牌。

你仲企喺度做咩，跟住行喇。」

「好。」





我們在後樓梯走了幾層，到達了頂樓的多用途室。

這條後樓梯在學生會室維修之前，已經基本上被禁止進入，除了個別中六同學在放學的時候可使用。

我對這條後樓梯最有印象的便是中一哪一年。

當年有一個已經轉校的胖子，綽號為「地獄黑仔王」，因為他在做很多事情上都能諸事不順。有一次他希望到後樓梯看看，我和子謙便一起帶他進去走走。平日我和子謙偷偷地走進去後樓梯無數次，從未出過什麼問題，但偏偏就是那一次與「地獄黑仔王」進去後樓梯，碰到擁有波浪型髮型的曾老師(「肥曾」)。她對於我們擅自闖入後樓梯感到十分生氣，並且質問我們是否看不到牆上的告示牌。

我很記得那一塊告示牌上面寫著"No authorized for students' entry"，而我嗰陣時就詐傻扮懵，就話唔識隻字“authorized”點解，仲叫肥曾解畀我聽，其實我係識嘅。





喺詐傻扮懵嘅情況之下，成功蒙混過關。去到嗰陣時我先知道，原來有兩層嘅教員室個後門都可以通去後樓梯。

返去正題，台長喺三樓帶我入去後樓梯，三樓對出係課室冇乜特別，四樓就對住電腦室；五樓對住地理室，六樓對住圖書館後門。至於七樓，原來就係喺多媒體室附近。

去到七樓之後，後樓梯前面再多一個告示牌，就係「天台範圍 請勿進入」。

「企喺度做乜嘢呀國鋒，繼續行啦。」

「行？即係你要上......」

「冇錯，就係天台。」


Ig: marx_ice_
https://instagram.com/marx_ice_?utm_medium=copy_link