那天放學後，我撞見有同學在學校後樓梯敦倫: 9 - 利賓納

「你係咪叫阿方？」

「係。」

「你嘅分析能力非常之強，今次呢單嘢證明你判斷能力好好。不過其實成件事根本未完，你知唔知點解？」

「有乜可能，條偷拍片證實咗家祺講大話。」

此時台長跟我們展示了儲物室內的CCTV，我們沖畫面屏幕上驚見學校有自修室的CCTV，而且根本沒有所謂「監控死角」。





「等陣先台長，其實你係咪一早已經知道發生緊咩事。」

「知道，但係我攞唔到出嚟。」

「點解？」

「因為以前呢間房喺學校重建之前係控制臺，有後備嘅cctv系統，而我係無意中發現嘅。況且我查過，所有調取監控畫面嘅權限都喺曬校務處，所以我做唔到啲咩，唔可以直接將cctv入面條片擺上去訪談節目到。」

「等陣先，所以今次學校一早已經知道成件事真正嘅真相係啲咩？」





「你真係聰明啦，國鋒。」

「唔係喎，咁咪即係代表學校刻意隱瞞？佢哋咁做又係為咗啲咩？」

「阿方，我相信呢個問題唔係我哋學生嘅層面可以解答到，相信牽涉到一啲更加高層次嘅問題。你哋兩個想唔想查出嚟？」

我們都表示希望得知究竟發生什麼事，而台長則叫我們下星期五去多媒體室找他。

xxxxxxxxxxxxxxxxxxxxxxxxxxxxxx





「你哋估下邊啲零食糖份最高？」

「得力素！」

「二寶糖！」

「利賓納！」

此時，我們的科學科老師陳sir語出驚人。

「利賓納有糖㗎咩？」

我們全班立即議論紛紛。有些同學嘲笑陳sir是來自石器時代的產物。其中嘴賤的阿方更成功把陳sir激怒。

「利賓納冇糖？我啱啱小息喺小食部買咗包利賓納呀，打開佢嚟睇下先。咦，入面有粒黑色嘅嘢嘅，咩嚟㗎呢？係咪糖嚟㗎呢？」





此時陳sir再語出驚人。

「阿方，做咩咁串？你同我罰企，企喺後面。」

我們全班議論紛紛的聲音更加大了，當中包括我忍不住模仿當時陳sir責罵阿方的語氣和手勢與同學談話。

「做咩咁串呀你？」

此是我的身後響起一把熟悉的聲音。

「國鋒，做咩咁串？你同我罰抄做咩咁串呢四隻字20次！」

全班同學向我報以恥笑，





在午飯時間，我和阿方吃飯時特意在外賣中叫了利賓納飲品。

「利賓納冇糖？黐線！條友搞乜嘢。」

「佢都唔係第一次語無倫次㗎啦，中一有一次佢上上下堂然之間爆咗句“未瞓醒嘅請舉手”。其實頭先佢罰我哋嘅時候我有啲擔心。」

「有咩好擔心呀，你淨係畀人罰抄廿次“做咩咁串”咋嘛。」

「我係擔心陳sir罰我哋留堂，你唔記得咗啦咩？放學之後我哋要去多媒體室啊。」

Ig: marx_ice_
https://instagram.com/marx_ice_?utm_medium=copy_link