好人卡太多 所以愛神憐憫我?: Extra Episode!

「一躹躬、二躹躬、三躹躬…家屬謝禮…」
 
今日，喺呀蚊婆婆既葬禮…
事實上，呀蚊婆婆撮合左我同呀蚊…
而且加上佢樂觀既性格同埋同呀蚊既愛…
我實在唔想見到依一日既來臨…
可惜既係…生有時…死有時…
 
「唔好喊啦傻豬…」我講
 




「嗯…」呀蚊一直喊…一直喊…
 
可想言之，婆婆對呀蚊同我都係非常重要…
點解上天要咁對我地…
生離死別雖然係天道，但實在太冇人情味…
 
終於葬禮完左，
但天色一直都係好昏暗，
周不時仲落起毛毛雨…
令我地既更加變得黯然悲傷…




之後，我地成班親戚去左食飯…
當然，呀Me老豆同佢都係度…
 
「好耐冇見…」我主動同呀Me打招呼
 
「係呀…咁快就一年…你讀緊咩u呀」呀Me睇黎精神唔錯
 
「Shitty BBA呀…」
 
「恭喜曬喎…係呢…你同呀蚊點呀…我隨時standby嫁哈哈。」我當然知道呀Me開緊玩笑




 
一年…
改變既野實在太多…
不論我同呀蚊…抑或Judy…同呀Me…
仲有婆婆既離世…
人生…唉…
 
「我一定會守住同呀蚊每一刻既永恆…」我答
 
「做咩咁感性呀…呀蚊婆婆都想見到你地開開心心…佢一定會祝福你地。」呀Me笑笑口
 
「咦，講緊咩呀你地？」呀蚊去完toilet番番黎
 
「冇呀…呀Me話好想叫你做細味呀。」我做個鬼臉
 




「咩喎…人地問緊你地點喳嘛咁sweet sweet。」呀Me塊面泛紅
 
仲記得信入面呀Me話過好聲親口叫呀蚊一聲細妹…
我相信…佢地一定會係對好姊妹…
 
「我當呀明係我老公嫁啦。」呀蚊緊握住我
 
「生生世世都係。」我補充
 
「比呀明做我其中一日老公得唔得呀哈哈…」呀Me苦笑
 
「…」我無語
 
「嘻！其他人一定唔得，見你係我家姐就讓你一日啦！」呀蚊答案嚇左我一跳
 




「家…家姐？」但反而呀Me注意既係另一點
 
「嗯…雖然我地同父異母，但都係親姊妹黎嫁嘛。」呀蚊答
 
一陣淚痕突然從呀Me眼中流出黎…
大概…依個係佢既一個心願…
 
「但我daddy佢…」呀Me豫疑
 
「佢地上一輩既事唔關我地依輩事嫁嘛。」呀蚊單單眼
 
「嗯！」
 
「咁你係咪想要呀明一日呀？」呀蚊好可愛咁問
 




「真嫁？！」呀Me問
 
「喂…我唔係貨黎…」我忍唔住出聲
 
「咁你聽唔聽我話先？」呀蚊搣得我好大力
 
「你…你鍾意啦…」我答
 
見呀蚊可以破涕為笑…
少少事又怕d咩呢係咪先~