好人卡太多 所以愛神憐憫我?: 10.6

 
單戀，是一件極度殘忍的事情。
你明知他不會接受自己，
可是，自己卻心甘情願地不斷follow他的IG、Facebook、Whatsapp各種動態。
大概，這就叫做不求回報的愛情吧。
啊，不是。應該是沒有回報的愛情。
 
「呀…呀Me你講咩話？」呀Me老豆嚇左一嚇
 
「對唔住daddy，頭先我呃左你…原來我…已經愛上左依個男人…」




 
「你…」呀Me老豆無語
 
我依然好混沌，我唔知點樣去面對呀Me…
乜我地唔係互惠互利既關係喳咩…
點解…呀Me你會愛上左我…
而且…你明知冇好結果仲要不斷為我講好說話…
你咁樣…我會好內疚…
 
「daddy，成全呀蚊同呀明好唔好…」呀Me苦苦哀求




 
呀Me爸爸明白到事情已經變質了。
這件事不再是呀明、呀蚊和他之間的糾紛，
反而呀Me已經被無情地拉進旋渦，
他的決定會是如何，也會傷害到任何一個人。
 
「我上房！你地年青人鐘意點就點！我冇氣同你地嘈。」
終於，呀Me老豆決定讓步
 
依刻，大廳只淨低我同呀Me…




我知道…我應該回應呀Me既愛…
但係…我已經有真正既女朋友…
 
但點都好…我都要作出決擇…
我欠左呀Me…
但我仍然好愛呀蚊…
我應該點…
 
愛神，為何你要三番四次作弄我？
是我犯賤？抑或是愛情犯賤？