好人卡太多 所以愛神憐憫我?: 10.1 重疊的身影

 
基本上如果我跑一定走得甩，
但問題係我仲要拖住呀Me走…
加上男女之間體力既差距，
結果mk仔已經追到上黎…
 
「妹妹仔…追到你啦。」其中一個mk仔淫笑
 
「頭先好似有人話我短…就比佢去見識下啦…」另外一個mk仔變本加厲
「大波波…」比較肥既mk一直打量住呀Me既身體






「呀明…」
呀Me好似已經感受到自己處於不利既狀態，
再加上一班淫蟲淫蕩既眼神，
令佢越黎越怕。
 
「放心呀Me，冇人會搞到你。」
即使你係邊個都好，
我都會保護任何女仔。




 
「嗯…」呀Me面上一紅
 
「你兩個係依個時候仲係度調情，我真係佩服。」疑似mk頭目講
 
「走啦…」呀Me不斷搖我隻手
 
「你走先！快！」我甩開呀Me隻手
 
當呀Me一向後面行既時候，




我即刻準備應戰…
希望拖得就拖。
至少呀Me安全就好…
 
依個時候，我仲要扮好人…
「哈哈哈…」我仰天自嘲
 
突然，mk仔唔再係mk仔，
佢地突然衝埋黎諗住做低我…
大佬…我有做gym唔代表我識打嫁嘛…
 
充當前鋒既mk仔一定學過拳黎，
佢不斷以快打慢，
一直向我既重心位置打埋黎…
 




我邊向後邊拖延。
然而，mk仔亦非凡凡之輩，
我雖然一直採取防守，
但我塊面已經挨左幾下拳頭。
 
「你就係呀明？」一個同上次相同打份既黑衣上又再突然出現
 
唔通…救兵到？
 
黑衣人保持住詭異既笑容，飛起一腳，
狠狠咁踩喺最前嗰位mk仔既肚皮之上，
嗰位人兄即刻聲音變做痛苦既慘嚎。
佢直直咁飛到半空之中。
喺mk仔就快要落地既時候，黑衣人又再輕描淡寫咁踢出一腳，
而且正正踢中左佢既腰間，mk仔既身體立即變成左橫飛之態，高速咁撞埋喺牆上面。




依位mk人兄…大概要住番醫院一年半載…
 
「呀明，你冇事呀嗎…」
我轉頭一睇，遠遠見到呀Me好似拎住左部電話定平安鐘之類既物體…
原來頭先呀Me冇走到，只係企起走廊盡頭一路窺探我既慘況…
 
「冇…」我答
 
我再想反問番佢點既時候，我後腦又一次眩暈。
唔洗諗一睇就知又係黑衣人做既好事…
不過…呀Me大概已經安全…
係咁的話我就可以休息陣…