好人卡太多 所以愛神憐憫我?: 9.6

「咦，原來依d就係爆谷，但係本小…我上網見過但未試過食過吖。」呀Me眼光光咁望住我
 
「係呀…我去買啦…」
得啦知你想食啦…大小姐
 
「哼！緊係你去買啦！唔通我咩！」
 
「嗱！呀Me…男女朋友之間呢…要好自然同互相尊重既…再次聲明…我係你暫時既假男朋友…唔係你既專屬工人…」我講
大小姐性格實在太乞人憎…
 




「好…好囉…唔該你囉…明bb…」呀Me有d唔好意思
 
「明bb？！」我碌大隻眼
Wtf? 轉性?
女人實在太難觸摸，
呀Me就更加摸都摸唔到。
 
「咩喎…我琴晚上網查過話熱戀中既情侶會叫對方做bb嫁嘛…唔係咩…」呀Me塊面微紅
 
「隨便你啦…我去買爆谷先…你企起度等我…」我唔知應佢乜好




 
「嗯…」
 
當我比錢同個男職員講要兩張「向西」飛既時候，
一開始望住呀Me笑左笑，問都冇問過直接劃左後面個情侶飛比我地…
仲同我打左個眼色，好似講「多謝我啦」之類既野。
 
然而，我實在唔想再晒錢買左兩張…
我諗一陣冇事既…
 




話雖冇事，但我轉頭一望，就知道真係有事啦。
「妹妹仔，等人呀？」
「靚女，帶你去一個好玩既地方呀？」
「小姐，想唔想去殘廁Gathering呀？」
三四個唔知死飛仔定死MK圍住呀Me同佢搭訕。
 
「唔好意思先生，依位小姐已經名花有主。」我走近呀Me
好彩我平時有做開gym，不過應該唔會開拖既…
 
「呀明…」呀Me見到我番黎就即刻行番去我後面
 
依個情節…就好似電影咁…
不過一個大男人為左弱少既女仔可以去到幾盡呢…
 
「哦？做『架倆』？」身型比較高既死mk講




 
一打四…
我有冇機會贏…
不過硬碰實在唔得…
所以唯有智取…
或者…