好人卡太多 所以愛神憐憫我?: 8.5

如是者，我既辛苦終於冇白費…
而今日，終於到左水運會。
 
對住我地每位中六學生，
依次水運會係我地最後一次同大自然共舞，
所以今日每位學生都拎住部相機，
準備留下最尾既記憶。
 
不過，你可能會問…
陸運會呢？




唔好意思…依層我地學校一過左十二月就再唔比參加活何校際活動…
所以…一定有好好珍惜…
 
最重要既係…
如果我無辦法說服呀Me老豆…
我同呀蚊相處既期限亦都越黎越近…
所以…
 
「哇呀明！你著住件超人衫真係幾過癮下…」
 




「唉David，點夠你扮閃電俠咁型棍呢…」
 
我地5班分別用超人、神奇女俠、蝙蝠俠、水行俠同閃電俠作為主題，
而我地聯班既主題就係「正義聯盟」。
 
講真個句，以前我都覺得用依d做主題有d膠，
不過經歷多左既時候反而會緬懷自己既青春時光。
 
過左1/4日既比賽，重頭戲啦啦隊終於黎啦。
不過對於我地中六黎，只要到時得到少少既掌聲就已經足夠。




 
呀…同埋一陣呀蚊同我會有100m自由泳既比賽…
而且聽講呀蚊遊水好勁嫁！
 
過左F1-F5既啦啦隊之後，
終於到我地6A既死期來臨啦…
 
「各位！加油！」呀蚊企起身講
 
「YEAH~!!!!」我地個個都有相同既反應
 
青春…真好！