好人卡太多 所以愛神憐憫我?: 8.1 剩餘的光陰

聽左Miss Cheung意見之後，
由於我未知道可以用咩方法叫呀Me幫手，
我決定遲d再搵呀Me。
依家最緊要係要珍惜同呀蚊一齊既時間。
 
叮當…叮當…
班會時間…
 
「各位同學，各位想喺水運會做咩主題呀？」呀蚊作為主席當然要問下大家意見
 




「今年係我地最後一年喺學校搞既水運，所以大家比賽同啦啦隊都要加油呀！」Judy講
 
之後，同學七咀八舌，不斷咁提出唔同既意見。
「女僕！」男點扮呀…
「One Piece！」好似幾好…但係好common喎…
「多啦A夢！」真有創意…
「張飛人！」?!?!?
「花花！」男人點扮呀頂你咩
「蜜蜂！」同上
「超人！」好似幾過癮啵




 
我之前仲以為依班中學雞只會理學業而唔理自己將來既回憶添…
不過講真個句，我嗰班既同學真係好好都幾好人…
但只係唔夠我「好」…
 
「不如做Superman呀？又可以聯班做，每班可以做一個唔同既角色，又好分配。」呀蚊提議
 
「咦，得喎呀蚊！」Judy講
 
如是者，我地班就決定左做Superman。




另外其他班都冇反對，
就選擇以Superman做聯班既主題。
 
之後，我地就不斷排舞練啦啦隊，
同時亦有人負責整班旗、訂衫等等。
依d情況，已經可能既大家既最後一次，
所以大家都好落力，
冒求自己擁有一段美好既回憶。
而且重點係…可能依個係我同呀蚊最後一次一齊喺學校搞既活動…
但無奈既係…我係一個跳舞白痴….
 
「呀蚊，你可唔可以教下我？」我問
 
依家公開左我地所謂既戀情，
基本上大家已經見慣不怪，




而「好人明」依個名已經開始慢慢退卻。
 
「下…我唔得啵…我仲要執女仔後面d舞步同排位…」呀蚊用貓靴眼望住我，閃閃發光
 
「哦…咁好啦…我自己練…」雖然我係想同呀蚊單獨練，但奈何我真係個跳舞白痴嘛
 
「不如我叫Judy黎教你？佢已經識晒~」呀蚊問
 
「下…」
唔係掛…
一陣又見到大家咪要尷尷尬尬…
而且如果佢忍唔住又搞我咪死得…
唔蚊就係隔離喳啵…
排舞室咁細…點會見唔到…
不過…會唔會係我多心左呢…




再見亦是朋友呀嘛…
 
「嗯？」呀蚊問
 
「好…好呀…唔該呀蚊。」我報以一個微笑作為回禮
 
「唔洗客氣。」呀蚊吐吐舌頭
 
如果…
呀蚊可以同我一齊練…
你話幾好呢…