好人卡太多 所以愛神憐憫我?: 7.2

「呀…呀Me呀可？」我問
 
呀Me帶左我落樓，
旁邊既擺設裝潢完全係頂級。
雖然我只係一介小市民，
但見到周圍金光閃閃既樓梯，
點都知我隔離既係個千金小姐掛…
頭先Uncle問我係咪為左錢先追呀蚊原來就係咁解…
 
「嗯？做咩？」呀Me問




 
「呀蚊點？」
 
「放心，佢好安全，仲會如常番學既。」呀Me答
 
「我明你地點解要阻止我…但點解要捉我呢…」我問
 
「呵呵！同你講件事，以前好多男人追我，一開始我傻傻地信左我男人，點知最後原來又係為左我d錢。所以之後，daddy佢為左我都會逐個逐個盤問，點知冇個男人係真心既…」再tvb d呀笨
 
「所以都要咁對我？」




 
「呀蚊以前未拍過拖，亦都冇為男人動過心，所以daddy好緊張佢。」又一個典型白痴港爸
 
「幫我同佢轉達一句，我唔會放棄！因為佢係我唯一愛既人。」
 
「喔…!? 同你講件事呀，我同呀蚊其實係同父異母，呀蚊媽咪同我daddy因為第三者而水火不容，而且仲離埋婚… 不過始終daddy佢唔放心呀蚊，就一直派人跟住睇住呀蚊，所以你同佢既事我同daddy都知得好清楚。」
 
「點解要同我講…？」你斷唔會無啦啦同個陌生人講依d掛
 
「呵…我頭先咪講左你同呀蚊既事我知得好清楚…包括Judy，同你講呀，你係第一個我見到咁真心既男人黎，你知唔知我心入面都開始因你而動容呀…呀明…我講過…我妹妹得到既野我都要得到。」




 
WTF…黎完Judy又到呀Me…?
唔係掛…
 
翌日，我依舊番學。
呀蚊見到我就過黎問我…
 
「呀明…你見點呀？好番d未？」
唔通呀蚊都知依件事…？
 
「好番d啦…」我小心翼翼咁答
 
「咁就好啦，琴晚見到你話咩肚痛走先真係嚇死我…手機又唔覆…」
睇黎呀Me老豆已經有處理過…
 




「呀…唔好意思…因為食完藥就訓左…」我講左個大話
 
「嗯！冇事就好啦！仲有琴日好多謝你！我好開心…」呀蚊笑笑
呀蚊既笑容如果話係第二…
應該冇人敢講自己係第一…
 
佢既表情，依然流露住幸福同快樂…
所以…我一定要好好守護住佢…
喺依一個月我一定唔會令笑容離開呀蚊…