好人卡太多 所以愛神憐憫我?: 6.6

排左接近成個半個鐘，終於入得到第一個鬼屋。
排隊，係「哈囉喂」既特色。
 
「嗱！黎啦喎！」我同呀蚊講
 
「嗯！」呀蚊鼓起個鰓，漲卜卜好得意
 
未行到入去，呀蚊成個身已經捱住我，
隻手捉到我實一實…
有冇咁驚…




 
「啊！」一個明明睇起上黎死左既人突然彈起
 
「啊！！！」左面一個突襲，睇真d原來係個拎住把菜刀既豬肉佬
 
「啊！！！啊！！！」右邊又有個不明來歷既人突然衝埋黎
 
其實我都黎左「哈囉喂」幾年，
以前既感覺不外乎係比錢人叫人嚇自己…
不過依家我既想法應該開始轉變…




 
一路上，呀蚊不斷既尖叫已經變得好正常…
身體同身體之間互相貼實，
已經feel到對方既心跳此起彼落…
不過我怕嚇到佢崩潰就唔好啦…
就只好快快脆帶佢間行完鬼屋。
 
「點呀？」
 
「仲有點喎…嚇到我死啦…」呀蚊嘟起個嘴




 
「可以行完成個鬼屋已經好勁嫁啦。」我安慰
 
「嘻！你…」呀蚊把聲突然變得好細
 
原來我地之間依然拖住手，
而且仲惹左唔笑目光…
 
「呀…對唔住…」我鬆開手
 
「嗯…唔緊要…我去個toilet先…」面紅既女仔真係好得意