好人卡太多 所以愛神憐憫我?: 6.2

「但係去邊好呢…
不過呀蚊講過比較鍾意有主見既男人…
既然佢鍾意打機，
就打佢去好玩d既機動中心啦…」我心裡盤算一番
 
不過講得算又好玩又岩呀蚊興趣既，
應該就淨係得海洋公園嫁啦….
 
「咦…我地今次去OP？」呀蚊問
 




我地岩岩上左巴士，
為左完成佢所講鍾意有主見有plan既男仔，
一路上我只係同呀蚊同下水，冇講過行程依方面既野
 
「係呀…你最鍾意嫁啦…」我笑笑
 
「哦…」呀蚊眼神好似有d怕
 
「做咩呀？」我問
 




「冇呀，估唔到你諗得咁周全姐…」呀蚊答
 
「哈哈~ 多謝晒。」我心情變得更好
 
落左車之後，好自自然然就先買飛後入場。
唔知係咩原因，OP竟然今日冇晒大陸人…
聽到既…都係我地最熟悉既語言…
唔再係當我地置身於此地，會反而覺得我地係小眾人，甚至係喺人地國土既「旅客」。
 
我查過資料，原來今晚係「哈囉喂」第一日。




所以，無啦啦黎OP唔係冇原因…
希望今晚d鬼醒水啦...
哈哈…
 
「玩咩先呀~」呀蚊笑笑口
 
「不如我地由上而下咁玩，緊住食d野之後就玩鬼屋。」唔知係我睇錯定點，呀蚊當聽到鬼屋兩隻字個身震左震
 
「又好。」
 
我地上左Ocean Express，
又要聽到嗰款千年不變既音樂同故事…
不過重點唔係嗰d音樂，
而係個氛圍同燈光…
入面舒舒服服，又暗暗地…




 
我同呀蚊坐左喺張長凳度。
當然唔係呀蚊無端端坐過黎，
而係我見佢坐左低，
就即刻一屁股坐左佢左面，
同左佢講聲：「咁樣仲似情侶…」
佢擰轉頭冇望我…但係就冇企起身就走…
咁我當然識do啦。
 
我同呀蚊膊頭掂膊頭，
以前同friend去可能只會想OP加長張凳，
依家終於明白盛智文既用心良苦…