好人卡太多 所以愛神憐憫我?: 3.7

良久。
 
「不如…放開左我先…」呀蚊把聲細到蚊滋咁
 
「Sorry…我…我一見到女仔喊就唔知點算…」我塊面應該印住左尷尬兩隻字
 
「嘻…好啦！係我諗多左姐！應該係我講Sorry既。」
 
「嗯…不過你諗住跟住點…? 」
 




「咩跟住點？」咁都唔明..?
 
我示意呀蚊望下兩側…
 
「哈…」呀蚊唯一既反應就只係可以乾笑
 
「冇得點…你有冇信心繼續做落去…? 」佢調整一下自己
 
「做…? 」
 




「男朋友呀，傻佬！」
傻佬依兩個字真係令我欲仙欲死…
 
「呀…係假男朋友…」
你比我FF左陣唔得既…?
 
「放心，我一定勝任既！」我大聲講
有人話過當你越有自信，講既野都可以大聲d。
 
「Wooo~恭喜呀明唔洗再做好人！」




「哇！得米呀！」
「條友仔終於得左啦，仲唔係神喺上面見到佢咁慘特登比個機會佢…？」
「頂！竟然爆冷！」
 
我懷疑依班同學只喺未差在開賭盤，買我得定唔得…
而且…依家唔單止要喺Miss Cheung同呀蚊個婆婆面前扮…
仲要喺全校面前扮…
我應該懷住咩語氣講句：「神呀…真係多謝你…」