雞仔聲表姐（全篇完）: 要脅
（14）見到喇
過完年，Johnny、Chloe都要返工。要返工又未駛返學時，終於有機會唔駛上堂拍拖。
Johnny好開心，响班西裝友面前接Chloe，兩個手拖手去行街。
「妳想去邊度呀？」
「無乜邊度想去。」Chloe講：「是但行吓得喇。」
「咁去啲有冷氣嘅地方。」
「我唔係港女，唔駛一定要有冷氣喎。」
「咁你着黑絲，無冷氣咪會熱囉。」Johnny笑笑望住Chloe黑絲，Chloe笑笑打佢。
「死淫蟲！」Chloe講：「你成日望住我對黑絲，駛唔駛幫你買對呀！」
「唔駛喇。」Johnny講笑：「攞妳果對咪得囉。」
「你就想喇！哈哈哈！！」
「哈哈哈！！」
大家講笑講到好開心，攬埋一齊kiss。
突然有人大叫！
「你哋做咩呀！！」
一聲大叫嚇窒Johnny、Chloe，鬆開口發現大叫嘅係文進，佢好嬲咁望住Johnny。
Johnny俾佢啤住，一時間反應唔嚟。Chloe見到就講：「你點解响度嘅？」
「點解我响度？」文進對Chloe講：「妳梗係唔想我响度喇！！」
「咩唔想你响度呀？」Chloe唔明佢咩意思。
「我唔响度咪唔會見到你哋kiss囉！！」文進對Johnny大鬧：「你有無搞錯呀！」
「我同Chloe…」Johnny拍拍文進膊頭，諗住claim down佢再講同Chloe拍拖，但係文進好大反應，一嘢撥開佢隻手：「唔好掂我！！」
Chloe見文進好激動，就講：「冷靜啲，我同Johnny…」
「妳都係呀，同佢kiss有無咁不知所謂呀！！」
文進鬧Chloe，令到佢都扯火！！
當想鬧文進時，發現身邊好多人睇嘢。
「佢哋咩事呀？」
「條女偷食同人kiss，俾條仔發現咪嘈交囉！！」
「條仔好似𡃁仔嚟喎。」
「而家興姐弟戀嘛。」
旁人指指點點，Chloe知道响度講唔到乜嘢。就叫Johnny返去先，遲啲再搵佢。
Johnny一走，Chloe講：「我哋返屋企先講！」
「好呀！」
大家冷冰冰咁話返屋企先講，沿途一粒聲都無出。
一返入屋，Chloe check咗爸爸媽媽唔响度就講：「你頭先發咩神經呀？」
「應該我問妳發咩神經呀，同表哥當街Kiss！？」
「我同Johnny拍拖，佢係我男朋友！！」
「同表弟拍拖？妳傻咗呀？！」
「傻咩呀？點解唔得呀？」
「佢係妳表弟嚟嫁！」
文進講完就堀住Chloe，Chloe都同樣堀住佢！！
互啤一輪，Chloe講：「我鍾意佢，佢鍾意我…」
「我哋係拍拖喔！！」Chloe瞪大雙眼講。
「拍拖拍拖！！」文進講：「妳同表弟kiss呀！！」
「係kiss呀，犯法呀！？」Chloe好惡咁講。
哩個時候文進講：「同表弟kiss唔犯法呀…」然後搭住Chloe膊頭，伸前個嘴想錫佢！嘴唇未掂到前Chloe推開佢：「你做咩呀？！痴咗呀！！」
「細佬錫妳唔啱咩？」
「梗係唔啱喇，你係我親細佬嚟嫁！！」
「咁表弟呢？佢都係妳親表弟嚟嫁！！」
「你哋性質唔同！」Chloe講：「你錫我唔合法、唔合情理！！」
「咁佢錫妳就合情合法喇！！」
「係！！」
Chloe好決絕講，哩刻兩個又互啤。
啤咗一輪，有開門聲傳出。
「呀爸返喇，合情合法嘅講俾佢知呀！！」
講俾佢聽？
突然同佢講，佢一定反對喎！！
加上佢咁古板，到時嘈到Johnny屋企，一定炒大鑊！！
而且Chloe係驚佢爸爸，暫時唔敢話佢知…
文進想開門，Chloe撳住佢：「唔好講…」
「唔講？妳唔係話合法咩？」
「係合法…」Chloe緊張咁講：「但係…」
「妳仲話合法？」文進講：「如果同表弟kiss合法，咁點解同細佬kiss就唔合法？」
「我…」Chloe見到文進係要出去講，而家再同佢爭辯合唔合法已經無意思…
「合法吖嘛！咁我錫都合法喇！！」
表弟錫合法…
細佬錫唔合法…
Chloe索索鼻，咬緊牙關講：「係咪我俾你錫，你唔講吖？」
「俾我錫即係合法。」
「合法嘅我自然唔會講。」
Chloe聽到文進咁講，就做出決定…
「好…」Chloe合埋眼，俾文進錫。
文進都伸前個嘴，當伸前時Chloe流出眼淚…
見到Chloe流淚，文進無再伸前。
當眼淚流到嘴唇時，Chloe講：「我咁錫你…點解你要咁對我…」
家姐咁錫我…
我咁對家姐？
Chloe講出哩句說話，驚醒咗文進。
「對唔住呀，我太緊張妳，所以…」
文進一講，Chloe即刻大聲喊。佢唔想爸媽聽到佢喊，所以匿响被竇到喊。
Chloe勁喊，文進好內疚…
無同爸媽講佢哋拍拖嘅事。
（14）要脅---完