雞仔聲表姐（全篇完）: 找數
（3）找數
俾Chloe放飛機，無收到whatsapp。
無whatsapp，故言人都唔會見…
Johnny明白佢走咗佬，唔會出現。
就算係表姐關系，都係貪心港女性格…
哼，舊電當我跌咗！
Johnny怨一怨，要忘記佢。
當要忘記，偏偏佢出現。
出現嘅唔係人，而係whatsapp。
「你係咪開緊工？」
Chloe打出訊息，Johnny見到開心一陣，諗起佢係飛機組又開唔到心。
「係」Johnny打出冷冰冰訊息。
「咁得喇，唔好行開，我轉頭過嚟」
妳轉頭過嚟？
又嚟哩套？
「好」Johnny唔多信，所以仍舊冷冷訊息。
Johnny冷訊息後，Chloe又即刻offline。
佢嘅行為，Johnny覺得係恃靚行兇港女。
Johnny忘記咗Chloe話嚟，只係專心工作。
「奀仔，我入去攞機殼。」
「收到。」
Johnny交帶完，就入咗去攞嘢。
「機殼機殼，IPHONE機殼。」Johnny攞緊機殼時，聽到出面有女聲…
一把熟悉聲音…
雞仔聲。
「Johnny响唔响度呀？」
「Johnny，妳條女揾你呀！」奀仔大叫，Johnn更加肯定出面條女係Chloe！！
佢真係嚟咗？
Johnny唔諗咁多，9秒9閃出去。出到去時見到Chloe！
Chloe都見到Johnny，好開心咁遞盒蛋糕俾佢。
「上次有嘢做陪唔到你食飯，而家補返盒tiramisu俾你。」
Chloe展露佢瞇成一線雙眼，同埋cute雞仔聲，又謀殺緊Johnny。
唔單止笑容聲線，配合埋佢套中袖白恤衫，上圍略緊咁包住兩團波波…
下身一條黑色窄身短裙，左腳上有個開衩，衩位唔算高但係流露性感…
而雙腳係黑絲，加埋黑色高踭鞋係性感ol造型！
OL Chloe，睇到左鄰右里流哂口水…
心入面流口水嘅，當然包括Johnny！
靚…
Chloe真係超靚！
之前見佢都係普通街坊裝，原來OL衫係咁正！！
Johnny又一次睇到呆咗，Chloe見到咁就將盒tiramisu揈兩揈：「精品酒店tiramisu，唔鍾意食？」
Chloe一講完，在旁餓鬼齊聲講：「佢唔食，我食！！」
Johnny見到咁，即時攞走盒tiramisu：「我要呀！」
「咪咁孤寒喇！」餓鬼包圍Johnny，Johnny行去一邊打開盒蛋糕，餓鬼們伸手去搶。
「嘩，正呀！」
「人間美味！」
「靚女啲嘢寧舍好食！！」
餓鬼食tiramisu齊聲讚好，氹到Chloe迷人一笑：「有無咁誇張呀！」
見到餓鬼搶食，Chloe望向Johnny：「你有無攞到呀？」
「梗係有喇！」Johnny响背後攞出tiramisu：「我一攞即刻收埋，費時俾佢哋搶走。」
「哈哈，咁醒。」
「妳買喎，我唔醒咪無得食？」
Johnny說話氹Chloe，但係Chloe無乜反應，唔多受落。
Johnny再講：「我哋一齊食吖？」
「唔嘞，我買俾你食嫁嘛。」
「一齊食先開心。」Johnny𢳂一羹俾Chloe：「嚟，食啖。」
「唔喇，我減肥呀。」
「妳咁瘦仲要減？」
「唔係呀，我有啲bye bye肉你睇唔見咋。」
「唔會囉，妳身裁超正囉。」
「係呀，呀嫂身裁超正！」餓鬼們插嘴，又引到Chloe笑笑。
「我唔係…」Chloe未講完，tiramisu已經到唇前。基於禮貌，Chloe都將舊蛋糕食咗。Johnny成功餵到Chloe，滿足講：「好唔好食？」
「好食呀，你都食呀。」
「好呀。」Johnny將Chloe食過嘅匙羹𢳂蛋糕，變成間接接吻。Chloe見到就阻止：「我食過嫁，用第二枝喇。」
「無喇，唔駛煩喇。」Johnny將舊蛋糕放入口，Chloe一聲：「唏！」咪咪嘴無Johnny辦法。
「請咗你食，我找咗數喇。」
「找咩數吖，得閒…」Johnny未講完，Chloe就講：「我趕時間要走喇，88。」
「88。」
一衆男人同Chloe say goodbye，望住佢有儀態咁扭動雙腳，由高踭鞋發出踏踏聲離去。
Chloe一走，餓鬼們講：「條女好正喎，响邊度識嫁？」
「唔話你知。」Johnny唔想講佢係表姐。
「懶係嘢，信唔信我溝咗佢！」一隻餓鬼講。
「勾義嫂咁賤？！」
「咩硬無親戚喇，何況…」餓鬼發覺Johnny好惡咁啤住佢，所以收口行開。
「靚女走咗，蛋糕食咗…」餓鬼講：「撇`s。」
講完就四散逃去，淨返Johnny同奀仔睇檔。
Johnny望住Chloe離開路線，諗起佢倩影…
Chloe好正…
我有無機會溝到佢呢？
但係我同佢，就好似明星歌迷分別…
更何況佢係表姐…
越級挑戰？
不過佢都係大我1年啫。
Johnny諗緊時，奀仔見佢咁煩惱就問：「你成個諗樣，諗乜諗呀？」
「你覺得Chloe係咪好正？」
「你講你條女？」
Johnny點點頭，奀仔講：「你問我覺得你條女正唔正，想玩夫目前犯？」
「夫你條命！」Johnny講：「佢咁正，你估我溝唔溝到佢呢？」
「吓！原來你未溝嫁？！」
「未呀。」
「早講吖，我溝吖嘛！」
「你食屎喇，佢係我嘅！」Johnny講：「不過佢咁高質，未必會受我。」
「咁你無講錯吖，問佢攞張相打飛機仲實際。」
「你咁毒，收線喇！」Johnny動身行去另一邊，奀仔講：「講笑啫，咪試吓囉。」
「你都讚成我去試？」Johnny問。
「係！」奀仔好肯定咁答…
好肯定講：「讚成你去做佢隻兵！」
「仆你個街，咒我！」
Johnny目露凶光，奀仔即時借啲意閃去high tea…
又淨返Johnny一個沉思。
（3）找數---完