雞仔聲表姐（全篇完）: 甜笑Chloe

响旺角手機鋪，有一個少年專心修理手機。

哩個少年23歲，相貌普通，學業成積都一般，無乜突出。

正宗草根一名。

哩個草根叫麥天華，英文名Johnny。

「搞掂。」 Johnny整好手機，身邊同事奀仔講：「咁快手？」然後攞起電話睇睇。





「勁喎。」奀仔講：「咁整埋哩部，好簡單黐mon貼。」

「Ok。」Johnny接部手機，耷低頭去黐。

當專心去黐，有把女聲傳出。

「唔該。」

Johnny聽到有人叫，不過好專注黐，所以答咗句：「等等。」之後繼續黐。





哎喲，歪咗…

唔緊要，再嚟。

Johnny黐歪咗，掹返出嚟再黐。條女見Johnny仲响度黐，就講：「唔該。」

條女把聲好清脆動人，動人到Johnny分咗心，又一次黐歪。

雞仔聲係咁唔該、唔該…





妖，煩住哂！

雞仔聲？

Johnny心中原本麻怨條女煩住哂，不過醒起雞仔聲又似曾相識…

當抬起頭一望，見到眼前係個頭髮長長、眼大大、面珠有肉嘴唇紅紅，好可愛感覺…

樣貌可愛，但係身裁就魔鬼；雙手修長，着住件白色恤衫，胸部挺起就快撐爆，實在引人犯罪…

好吸引嘅女性！

咁吸引嘅女性，就係表姐Chloe！

「Chloe？」Chloe突然出現，Johnny覺得託異。





託異嘅唔止Johnny，Chloe亦有同感。

「咦，你响度做？」

「係呀，我做手機。」Johnny問：「有咩幫到妳？」

「我部電話唔知點解死咗。」Chloe遞部Iphone俾Johnny，Johnny㩒㩒部機無反應，講：「要拆開check check。」

「好吖。」

「咁我開張單俾妳，整好之後…」Johnny未講完，Chloe就插嘴：「而家整得唔得呀？」

「而家整？」





「係呵，我趕住用。」Chloe誠懇眼神望住Johnny，Johnny都唔好意思拒絕，即刻拆開部機開始檢查。

「哩度無問題，果度無問題…」Johnny未揾到原因，想叫Chloe遲啲攞時眼尾望到佢好心急咁，就再出力去check。

「死機…係部電話突然熄機？」

「係呀，近嚟好快無電，今日直頭講咗一陣電話就熄機，叉電都叉唔起。」

「咁係電池夠期，我幫妳換過新喇。」

「好喔，唔該哂！」Chloe瞇起雙眼笑住講，迷人笑容電一電Johnny，令佢心跳加速。

好靚…

Chloe笑容好靚…





好甜…

Johnny望到入神，Chloe見佢定咗唔郁，就同佢揮揮手：「你…ok？」

「吓？」Chloe問o唔ok，將Johnny魂魄召返返嚟，回神後即刻換電，好快就將粒電換好。

「整好，妳插尿袋試吓。」

Chloe插個充電寶落電話，果然部機著返。

「著得返喇，好彩得你咋！」Chloe又甜笑答謝，Johnny又俾佢笑容迷到。

「唔…唔駛客氣。」





「幾錢呀？」Chloe攞銀包出嚟，Johnny講：「唔駛喇。」

「唔駛？」聽到Johnny話唔駛，Chloe發出疑問。

「幾十蚊，大家自己人尤佢喇。」

「咁多謝哂，下次我請食飯！」Chloe再以甜笑回報，想走時Johnny講：「Chloe…」

Chloe聽到Johnny叫停佢，有啲疑惑回望…

咩事呢？

「俾張咭片妳，有我電話。」Johnny遞卡片俾Chloe：「如果舊電有問題，妳打俾我。」

「好喔。」一講完電話響起，Chloe接聽電話，同Johnny揮手goodbye，然後急步走咗。

睇住靚女表姐突然出現，一陣就走咗有種失落感。

來也衝衝…

去也衝衝…

算喇。

原本Johnny想炒佢牌，不過未開到口機會就消失…

Johnny失落時，奀仔拍拍佢膊頭：「條女好靚喎，妳識嫁？」

「係。」

「錢都唔收，食咗喇？」

「食咩呀，幾條嘢就話食人？」Johnny聽到話食咗Chloe，有啲燥底回應。

「嘩，駛唔駛咁大反應呀？」奀仔講：「頭先問都唔問就拆機，對住條女失哂常，撞邪呀？」

問都唔問拆機？

又係喎，點解呢？

對住Chloe，我真係失常？

無理由吖，我無對佢有幻想喎？

至少之前無。

奀仔說話，令Johnny自我質問。





                                                                                                 （1）甜笑Chloe---完