來場遊戲吧.我的朋友: 2.遊戲開始
奇怪...我到底怎麽了...好久沒有試過這樣昏倒了...這裏是...哪裏?
面前猛烈的强光將我射醒。看來我在一個房間内。面前有一部samsung大電視。房間内雖然很亮，卻到處散發著毛骨悚然的感覺。
我緩緩地站起來，轉一圈，發現附近有很多垃圾袋，而且房間中有很多士兵的盔甲。
「救命啊，有冇人啊?就黎抖唔到氣死啦!」
有人求救的聲音?在這密室的房間之中有人求救?聲音很近，不可能從外面傳進來的，所以...這間房間一定有其他人，可是...不會吧?難道我脚下的垃圾袋...
我提心吊膽地走到附近的垃圾袋，解開繩結...果然...裏面是一個活生生的女人.
「哇!!!」
我整個人嚇到一屁股坐在地上.
「終於出到黎啦...真係想熱死我...」
垃圾袋打開後灰塵滿天飛，吸入這些灰塵令到我十分難受...對了，吃一口藥就沒事了。我伸手向褲袋，卻發現并沒有藥...
不可能，每次出門我都一定會帶藥出門，不可能忘記的。
「你知唔知呢度係邊度？」
那個女人坐在地上，就如3歲小女孩迷路般發問。
「我都唔知，我都係剛剛先醒。但係我諗，我同你都唔係自願黎到呢度，係有人將我地帶黎呢度。唔單止我地兩個...」
123456...6個垃圾袋...
「幫下手，呢度仲有六個垃圾袋，我諗除左我地兩個之外，仲有六個人係呢堆垃圾袋到.」
「下?認真呢?」
雖然很麻煩，但是這種時候我也是會體諒他的，因爲我自己也嚇一跳...畢竟一醒來就來到這種地方.雖然我自己開也是可以，但是沒帶藥，我不想因爲這些灰塵讓自己難受.
「係，我諗我地全部人都比人綁架左.」
她的嘴巴，我以前從來沒見過目瞪口呆，現在見識到了.
咳咳咳......果然，這六個袋子真的都是，活生生的人類.
「哇癡綫條腰好痛...邊度黎架?」
「死啦我份文件未交比老細...」
「咩事同咁多窮鬼一齊係同一間房...」
好...加上我6男2女...年齡介乎25-65...從大家的衣著可以看出大家都是上班族，除了我之外都應該是在下班的時候被綁架到這裏吧...
「 小朋友你講緊乜啊,有錢大曬!?窮鬼?睇你的樣子似係未俾人打過甘窩？」
不是吧大哥...能不能搞清楚現在的情況...現在還要打架?虧你一臉老實人的樣子...想想現在的處境吧大哥，你被綁架了!
這位大哥慢慢拉起衣袖，他的手臂粗度我看是能一拳把那西裝男的臉打歪的.附近並沒有人打算阻止，不是吧，這種情況應該團結起來吧?大家都太害怕了，甚至連一個出手阻止眼前這個鬧劇的人都沒有...
「大家冷靜少少先...我諗大家要清楚知道而家事情嘅嚴重性!我諗我冇估錯，大家係咪都係岩岩放工?」
呼~平常的我是不會這樣帶頭説話的，但是我想大家現在内心都很擔心和害怕，必須有個人站出來。
「係...但係我記得我好似行緊翻屋企，跟住攰得濟係公園嘅長椅上休息陣...點知醒左之後就...」
「我岩先係公司搞緊老細比我個份文件...諗住偷下懶...點知...」
看來大家都是在不知情的時候被帶來這裏...
「各位，有冇見到呢度有對門?我岩岩醒個陣就發現左呢度有對門，但係要鎖匙先出到去.」
站在角落一直默不出聲的男士説出了一個重點...奇怪我明明是第一個站起來的，爲什麽我一直都發現不了這對門?
「大家一齊揾下呢度有冇鎖匙啦.」
另一位女士也開口了.對.我相信大家團結一致的話一定會找到出去的方法!
「咳咳咳咳咳....」
房間内傳來了咳嗽的聲音...
「係咪你咳?」
「唔係啊...」
「男人聲黎架窩.」
「真係唔係我啊大佬...」
奇怪大家的目光都投放在我的身上...聲音從我附近傳出來?難道...
「大家望下佢後面...係部電視啊!部電視有畫面啦!!!」
電視!?對了!來到房間時第一時間看到的那部電視!
環視房間，這裏并沒有類似遙控器的物體...看來這部電視是自動開的...又或者是...在我們之中有人有遙控器?不可能,他們的垃圾袋是我和那女人打開的，所以不可能.
「啊...好高興見到大家...」
在屏幕中,有一個人戴著面具,並且坐在椅子上,完全沒有絲毫動靜.
「沙沙沙沙沙……」
電視不斷發出噪音,可想而知這台電視是多久年前的電器產品.自電視開起後已經過了一分鐘,可是電視依然是沒有什麼改變.
「啊.大家都應該好好奇點解自己會係呢度啦下話?」
終於,電視中的人終於開口了.
「沙沙沙沙沙……」
「有冇搞錯!呢度邊度黎架!我今晚翻到屋企仲要開live架!快啲放我出去!!!」
「靚仔你夠膽出黎!阿叔醒你一拳!」
「收爹先啦...你比佢講聼下佢會講啲乜先啦...」
「大佬你而家俾人綁架啊，點冷靜到啊?」
「係咯，快啲放我出去...」
「大家快啲報警...等等，我部手機呢?」
情況一頓混亂，大家都冷靜不下來了...
到底這是什麼情況?不會什麼密室逃脫的現場直播吧.....
「大家唔洗緊張.咳咳咳咳…你地所有人都係度並唔係冇原因架,你地一早就比我安排左會黎呢度.同我玩場遊戲...嘿嘿嘿.......」
...游戲...?什麽意思?
「咩原因要我同呢班窮鬼玩game呢請問?係咪揾錯人啊?」
「你條友真係夠啦下!窮鬼前窮鬼後!」
西裝男的每句說話總是能惹起大叔的注意,大叔一手抓住西裝男的頸,使得西裝男痛不欲生.
「喂.你個死窮鬼快放手!」
「你地冷靜少少啦!你地一人退一步好嘛?」
大叔並沒有因為大家的勸止而停手,可想而知他已經被憤怒沖昏左頭腦.
「大家冷靜少少,由呢刻開始我會開始解釋.可能大家都覺得自己唔認識身邊嘅人,但事實上你地確實全部人都有見過面，只係你地唔記得曬.你地俾我安排到呢度，要做嘅事就係陪我玩幾場遊戲.咳咳咳咳咳..係咪好簡單呢?」
遊戲?他是太孤獨了嗎?特意把我們抓回來玩遊戲?
「玩乜鬼遊戲?快啲放我出去!」大叔也不耐煩了,而他的手也放下了,看來他也要開始認真聽了.
「當然,遊戲並唔係你地所想象嘅小朋友捉衣因,而係一場…死亡遊戲!」
死亡遊戲…?什麼意思?
「死亡遊戲,顧名思義就係會影響生命的遊戲，而且遊戲不止一個,其他我就不多講了,時間緊逼,即刻就開始遊戲吧.」
「等等什麼意思..」
就這樣...莫名奇妙地...游戲開始左...
頭頂上的通風口散落了8張紙張，而且在通風口伸出了一部閉路電視.
紙張的數量看來是準備給每一個人的.
「大家領起張紙睇下!」
一直沒有説話的老人家也出聲了.
我彎下腰拿起這張紙，上面寫著.
全遊戲提示
1. 遊戲有全員生還勝出的方法
2. 不能隨意直接傷害他人 無視此規則的人直接取消資格
3. 請善用提示.
遊戲一 找出鑰匙
提示 信任及詐騙只在一線之差 不要輕易相信眼前的一切.
遊戲正式開始.