那些被錯過的人: 幸福
我哋返到落去，大家已經執緊嘢準備走。
諾曦仲係攬住我隻手唔放，其他人見到佢喊，都唔敢再抽水。
最後我送咗佢返去，佢驚到Lift都唔敢搭，所以我送埋佢去屋企門口。
佢爸媽好早就訓咗，所以我哋所有動作都好細聲。
你向上望吓(笑) 23:30
落到樓下，我收到諾曦嘅訊息，然後向上望，望到佢企喺窗邊。
返去小心啲(笑) 23:32
知道！(笑) 23:32
返屋企嗰段路，我不停傻笑。
我係度諗，自己係咪已經得米，腦海一直重播佢攬住我嘅一幕。
我返到去訓落床，電話就傳嚟一聲「叮」。
在線上嘅?你返到未咖(哈欠) 00:22
返到喇 仲洗埋白(笑喊) 00:22
返到唔同我講(嬲) 00:22
Sorry(合十) 00:23
你返到咁我訓喇(shy)晚安! 00:23
原來佢未訓，仲要明顯係等我返到屋企先訓。
我合埋雙眼，身體好似漂起咗咁。
我相信呢種就係幸福嘅感覺。
我攬住枕頭，不斷係張床捵嚟捵去，身體有種好痕嘅感覺。
係我捵緊嘅期間，電話突然響，我轉身撲埋去部電話度。
「喂～諾曦？」
當時我腦海裡面只有諾曦，完全無留意邊個打俾我。
「食屎喇！林俊杰！」
「屌。。點解係你。。咁夜有咩貴幹呀？」
「你頭先同阿悠去咗邊呀？！」
「咩呀？」
「大家合埋眼個陣，你話走先，我哋擘大眼連阿悠都唔見埋。」
我唔知點解阿悠都消失埋，所以問我都冇用。
「我肚痛啫，阿悠就。。我真係唔知佢去咗邊喎。」
「收喇！阿彤去完廁所，見到阿悠同一個男仔走出公園，黑衫黑褲仲唔係你！」
好強力嘅指控，但我又唔想俾佢知，我其實去咗搵諾曦。
費時佢話我，有異性冇人性。
「唔係囉，唔係我嚟咖，係咪上次餐廳條仔呀？」
「我唔理，總之你扔低我哋就係事實！」
「好喇好喇。。打鋪機？FIFA？」
續