那些被錯過的人: 文學堂
「蕭樂悠！」我用力拍佢鐵閘。
「咁耐咖。」
「你段whatsapp，知唔知會俾人誤會咖？」
阿悠冇出聲，只係雙手放係後面望住我。
「咩呀？做咩唔出聲呀？」
「鬧完未呀？見你上次買雪糕俾我，所以買返杯俾你咋！」
我未見過阿悠咁大聲，佢喺身後拎咗杯Haagen-Dazs出嚟。
「唔睬你。」佢將杯雪糕塞落我隻手，跟住「嘭」一聲閂埋門。
我真係激動咗，我敲咗幾下門，但佢都無反應。
「過兩日返學再道歉喇。。」
。。。
「起立。」
Ｍiss Wong今日著白色恤衫加黑絲。
「林俊杰，全班等緊你。」我掛住望佢，完全唔記得要起立。
「今日第一次，我想大家寫篇文章。」
大家都好安靜寫緊文，而Miss Wong坐係老師枱改簿，左腳翹住右腳。
佢件恤衫好貼，再加上佢坐直咗個人，件衫包得好緊，完全展露佢嘅身材出嚟。
講真個句，有邊個男人唔會對佢有幻想？
「林俊杰？你寫完文喇？」Miss Wong突然出聲，嚇到我跌咗支筆。
「啊！我支HI-TEC-C呀！」
跌咗支HI-TEC-C，真係慘過食屎。
「你拉埋張枱出嚟。」
「你呀，做咩發夢呀？」
「冇。。冇靈感啫。」
「望住我就會有靈感？」原來佢一早就發現。
「望靚嘢，心情會好啲。心情好啲自然有靈感啦！」
「你呀，平時都係咁撩女仔咖？」
「唔係呀，做咩咁問？」
「主席上星期搵過我，話懷疑你同蕭樂悠，有唔尋常嘅關係喎。」
「其實。。我同佢住同一座大廈，嗰日留完堂咪一齊返去囉。」
「原來你哋住咁近咖？住邊呀？」
「亨德村4樓D室，你得閒上嚟呀！」
「好，遲啲上嚟家訪。」
「無問題。」宜家仲邊有老師會家訪。
我好無奈答完佢，之後Miss Wong突然哄埋嚟。
「你。。諗咗班會活動未？」
「諗活動？」
我完全忘記星期五就係中秋節。
「我。。諗咗咖啦！本身諗住食完飯再同大家講。」
為免Miss Wong覺得我呢個康樂唔稱職，隨便搵個藉口敷衍吓算。
「好喇，預埋我喎。」
原來Miss Wong都想出去玩？都係嘅，佢咁後生，應該唔想悶係屋企。
「咦！咁不如去你屋企玩啦！」
「唔玩啦，返埋去繼續寫文啦。」
續