[小甜]改變我一生嘅女同學、女朋友

七月三十一日，今日要番學睇分班結果同交千幾蚊既書簿費。


朝早八點半，我自己一個喺屋企出門口。就喺我關門前一刻，老媽突然衝出黎。


「恆仔！」老媽大叫，「差啲唔記得比書簿費你！」跟住佢就塞左兩千蚊比我，話：「食埋飯先返喇。」


「唔，得喇，拜拜。」我應道。




我自己一個行番學校，半路中途撞到個死黨－阿偉。我地邊行邊傾，主要係講下對升中五有咩睇法。


五分鐘之後，我地番到學校。我地行上禮堂睇分班結果。


禮堂好嘈好多人，我地揾左一陣先揾到F.5塊board。我地急不及待，伸個頭埋去睇。由於我姓任Yam，跟姓氏排多數排尾，所以我淨係睇尾幾個。




「Form 5A.....冇.....Form 5B....."33:Yam Chung Hang"....」我喃喃道，「總算入到精英二班....」


我拎轉面問阿偉：「喂，我入到5B喎，你呢？」


「Same.」佢答。




我再次伸個頭去塊board度，諗住睇下有邊啲人同我同班，我一望埋去，就見到"20:Man Chung Yi"。


我呆左。阿偉拍一拍我膊頭：「喂，做乜呆撚左呀？去交錢拎書喇！」


我回一回神：「哦。」

       *                         *                        *

交完錢、拎完書之後，我同阿偉去大快樂食飯。


「頭先做乜呆左咁企喺度呀？」阿偉一路食一路問。




「喔…」我諗緊點用籍口避左佢。


諗唔到……


「你…」佢講得好小心翼翼，「見到……文頌怡？」


我僵住了。原本放喺咀邊既意粉都停住了。


[待續......]