HMD 集郵集

打住失戀旗號，「頹廢絲」down左俗稱約炮APP 既HMD 。

「93年搵食男」:「見你岩岩失戀，依家心情點啊?」
「頹廢絲」:「好寂寞空虛啊，好彩聽日搵左個fd陪。」
「93年搵食男」: 「我明架，當初我同ex 散左之後都一直振作唔到，直到依家過左一年我都走唔出陰影。」「你失戀係冇左個男人喎，
 搵女仔fd 邊到有用啊，不如咁啦，聽日我陪你散心啦。」
頹廢絲: 「好啊。」
_______________________________________________
第二日一早，「93年搵食男」同「頹廢絲」早早已經見面，
「頹廢絲」見時間尚早，於是建議由鑽石山站行去九龍灣站，「93年搵食男」於是為左表現佢既主導力，就手指向黃大仙方向並道:「信我啦!」。




「頹廢絲」: 「呢邊好似係黃大仙方向啊。」
「93年搵食男」唔信，於是拉住「頹廢絲」行去黃大仙方向，果不期然，「93年搵食男」行多兩步終於發現唔對路，就再次指向錯誤既方向 – 慈雲山。
一直以為HMD多癡線佬，原來連無腦男都咁多…
岩岩失戀既 「頹廢絲」真係欲哭無淚。最後「93年搵食男」就自把自為咁call的士去九龍灣。____________________________________________________
幾經辛苦，「頹廢絲」同「93年搵食男」終於去到九龍灣。
「93年搵食男」: 「頹廢絲，有冇咩想食。」
「頹廢絲」:「無所謂，你話事啊。」
「93年搵食男」就帶左「頹廢絲」入左一間西餐廳，甫打開menu
「93年搵食男」:「嘩，要三百幾蚊一個餐架!」
其實應該係common sense…?




「93年搵食男」:「唔緊要，我地依家慢慢扮無事咁走… 」
說罷，「93年搵食男」就即刻起身並拖住「頹廢絲」隻手，雙雙步出餐廳。
「頹廢絲」掙脫「93年搵食男」隻手，失戀已經夠慘架喇，仲要撞到呢個極品男，「頹廢絲」表示心很累了…_____________________________________________________
食完咖哩飯之後，因為「93年搵食男」想買新傢俬，於是兩個人就決定行傢俬鋪。
行入傢俬鋪後，一幕幕預想與前男友同居既畫面係「頹廢絲」腦海中縈繞不散，種種回憶霎時湧上心頭。
不料「93年搵食男」問：「你有冇諗到搬入黎同我住之後，想要幾大既衣櫃啊?」
識左第一日就問人係唔係會搬入去住，有冇咁饑渴?
_____________________________________________________
終於行完傢俬鋪，「頹廢絲」提議行去海旁散心同時亦都緬懷同EX既過去。
行去海旁途中，「93年搵食男」既腳步漸加緩慢，「頹廢絲」心感不秒就急步前行。




結果「93年搵食男」一把拉住「頹廢絲」，嚷道：「你係係我見過咁多個女仔之中.....」
「頹廢絲」:「ok 架喇，明架喇，不如番屋企喇!」
_____________________________________________________
HMD 既極品男真係世一!