是咁的，我做咗份好奇怪嘅intern: 第九章

不過聽了那麼多對話，我總算了解到什麼是Gamma射扇。Gamma的粉絲會在他出場的時候，把紙扇擲向他，以示祝福。然後Gamma會拾起所有紙扇到後台簽名，完場的時候讓粉絲拿回。

「咁實攞唔返都得啦，都冇認證嘅。」這是我聽完得出的結論。莫說肯定拿不回自己擲出去的，連隨便拿回一把也有難度。

「我地作為Gamma嘅粉絲，係唔會攞多紙扇架！咁樣係對唔住Gamma！我地只會默默支持佢，唔會危害到佢嘅聲譽！」李樂珊反駁我。看來追星跟入邪教沒兩樣……

「不過終於有機會體驗Gamma射扇，多謝你地呀。」林樂婷也說。

「客咩氣，反正我都係嚟陪佢，我其實都唔係好識。你地最鍾意邊個？」我順勢反問。





「我其實最鍾意Beta，佢人品好好。」

「係呀係呀！你有冇留意佢個簽名？」阿晴見林樂婷回話，繼續引導她說多一點。

「有呀，佢個簽名係開方Beta，用根號代表自己唔會忘記出道嘅根源，我真係好欣賞佢。」

就是這樣，我們總算在入場前跟她們混熟了。不過想到幾天後林樂婷的父親就會被忠哥殺掉，然後我們要裝作不知情的安慰她，心裡就有點不是味兒。還有，這樣的熟絡程度是不足夠的。

「喂，影張相吖！」阿晴忽然舉起手機，替我們四個人自拍。





「Send返俾你地吖！你地電話幾多號？」

阿晴，你果然是有方法的。

「喂add埋ig！」

林樂婷的帳號只有百多個followers，她居然會答應我們，果然正如資料所說，她不懂拒絕人。

但加完ig之後，氣氛忽然靜了下來，於是我唯有拿出我的殺手鐧--冷笑話。每個殺手總要有一個殺手鐧的。





「你知唔知咩麵包最殘忍？」我開始問阿晴。

「腸仔包。」

「咁你知唔知邊一個島最殘忍？」

「唔知。」

「係淥兒島。」

「無聊。你知唔知你應該去邊一個島？係冰島，你啲爛gag冷到結冰。」

看來這個殺手鐧不太適合我。

不過居然也激發了她們的無聊基因。





「從前有個海盜姓北，佢叫北海道。」

「從前有個牧師姓林，佢叫穆斯林。」

「Connie生咗個女，佢係Connie之娃。」

「有一日，小明去吉野家，點知吉野不在家。」

「所有成功男人嘅背後，都有一條尾龍骨。」

「點解蟻咁鍾意蛋糕？因為矮嘅人鍾意彈高。」

「我地真係好無聊，哈哈！」





「呀！！！！！！！」伴隨著一陣尖叫，主角們魚貫入場，我也漸漸失聰。Beta走過的時候，林樂婷真的用盡吃奶的力氣叫出來，看來那張poster應該會起到一點作用。

表演即將開始，我們和她們的座位隔得頗遠，看來今天的接觸到此為止了。

「喂，你唔係要俾佢覺得你可靠架咩？」和她們分開後，阿晴問我。

「頭先邊度有機會……老實講我覺得已經進度好好，一日之內熟得太快好奇怪。」

「都啱嘅……希望add ig會對之後有幫助啦。仲有四日咋，點算……」