我一定會拯救你地: G 崩壞嘅結局

眼前一片漆黑 再次穿越

但今次 我個身體有小小半透明feel.

應該係女神想話我知 今次係最後一次穿越

我身處嘅位置唔係班房

而係放學後嘅學校圖書館





出現係我面前嘅人
係心兒

因為心兒係圖書管理員 所以係到都好正常

我再睇下周圍有咩人 發現有一個意想不到嘅人係附近

我開口叫佢：「凱...凱澄？ 你係到做緊咩？」

佢手上面拎住本甜故定唔知BL 係圖書館睇到好忘我 冇理我





我已經係最後一次機會 而凱澄冇一次係可以好好地溝通

直覺話我知今日就會迎來結局

我攞左條繩出黎綁住心兒做人質 唔好問我條繩邊度泥

我決定用人質問出 未來種子嘅下落







我一路綁住心兒 佢大叫：
「嘩！做咩事呀？！做咩綁住我？！」

我：
「已經冇時間 我綁住你都係為大家好」


睇住成件事發生嘅凱澄第一次有反應 佢話：

「唔係咁綁囉 SM都唔會咁綁 你識唔識ga 」


咩SM 呢條友究竟講緊乜...






心兒繼續大叫 終於開始有人過黎

有2個人嘅腳步行緊過黎

我望過去睇下係邊個


係家慧......

「嘩！ 咩料？？做咩綁住我個friend？？」
家慧手上揸住本“動物農莊”
應該係借書睇






另一個腳步都行到過黎 我望一望


係海欣......

佢衝埋去心兒身邊 然後對住我講：
「冷靜！冷靜！唔好行埋泥！！！」

海欣手上揸住本“如何成為一個出色的清朝人”
應該係借書睇

至於凱澄 咬住包花生講：
「有花生嘅地方 就有我嘅出現」






此時此刻 所有要素都集合左係到

「真相只有一個」

我嘗試講出柯南嘅名言

諗住終於可以型下嘅時候 突然成個圖書館黑哂

係停電.......


家慧同海欣並無錯過呢個機會 向住我嘅方向衝埋黎
將我打到體無完膚

我諗起故事開頭




2年後嘅世界 我地一齊玩嘅最後一場遊戲
佢地再次講出一模一樣嘅說話

家慧：「喂 追住前面條友！」
海欣：「OK！我殺左！」

冇錯 我比佢地殺左

可能打鬥嘅過程之間太激烈
未來嘅種子 由唔知佢地邊個嘅身上跌咗出嚟
跌左去我嘅手邊

我死前汁起左種子

女神寶珠出現左喺我面前

我用最後一口氣問女神：
「女神...我係咪拯救左世界？」

女神寶珠望住訓係地下嘅我
佢汁起左我手上嘅種子 同我講：
「死變態！扮女人！我唔識你！唔好搞我d fd！」

已經聽唔到女神講咩 我嘅生命就此消逝


大家攬住心兒

海欣：「冇事喇 我地已經消滅左佢」

家慧：「圖書館真係好恐怖囉 」

凱澄：「唔好再提圖書館o_O」


大家望住Dennis條屍 開開心心咁過住和平嘅日子

真 全劇終。