我一定會拯救你地: C

上Art堂
今日唔知做乜個Art老師好開心 好似心情好靚咁
其他同學都咁覺得

原來係我地學校有學生攞咗個唔知咩設計比賽嘅港澳區冠軍

雖然我對Art冇乜認識 不過我都想睇下係邊個同學咁有料


得獎者：家慧





咩話？！ 家慧？！
主要角色終於出現

其實我係好想極力避免第一個接觸家慧
因為我岩岩穿越過黎 好多野都屬於未知嘅情況 + 缺乏情報之下
但由於有不知名嘅穿越次數限制 所以我冇得揀









家慧...佢係一個好有理想 好有目標嘅人
所有野佢都會做得好好 冇咩搞唔掂個種萬能型角色
琴棋書畫樣樣皆精
類似最終boss咁嘅存在
性格嘅話 ，一個字 ： 型！

「攞埋d垃圾獎有乜咁開心」
以上係家慧嘅得獎感想





知道左自己同家慧係同一班之後 我全日都開始留意佢
見佢上堂抄notes抄到西哂面 個氣場好恐怖

話時話 女神叫我搵未來嘅種子 究竟具體黎講我要做d咩呢
不過總要踏出第一步

準備放lunch 家慧應該會去join佢d朋友出去食野
我一落堂即刻衝去佢個位到 我同佢講：

「家慧！將你身上未來嘅種子交出黎！」

「Errrrr.....同學你係咪有咩問題......？ 」
家慧O哂咀 用一個“呢條友係到做乜9”嘅樣答我





「走喇家慧 ！ 去食野喇！」
佢d friend黎到 我睇住3個女同學拉左佢走
睇住佢地好hyper好興奮咁一路係走廊吹住水咁離開

Ok 全劇終。




我又點會放棄
7完之後我細心諗過 問題係2年前嘅而家 佢地唔識dennis
即使遇到佢地 我都冇辦法開門見山同佢地講發生左咩事

我決定係放學嘅時候黎多次





「拜拜啦班長 我返去屙屎先」
家慧同班長揮揮手道别之後 我突然出現

「Hello家慧. 咁岩嘅 其實我都住南區 不如一齊去坐車 」

「OK呀 行囉」

Yeah 第一步成功左。

上左車之後 其實小尷尬 我試圖打開話題：
「係呢 你對槍game有冇興趣」

「我有時都有玩PXBX 」

「我都係喎 不如放學返到去一齊玩」





「今日返去要練琴 又要做功課 一係聽日囉 」

頂 問題係我得1日時間 冇第2日同你玩

我繼續講：
「係喎我今日d功課可能有d唔識 可唔可以問你」

家慧：
「我電話65xxxx9x」

講低之後 佢轉身就落車 好似一陣風咁
型到.....







返到去之後 我揀左幾條應該比較難答嘅問題 費事比人覺得我on9仔

電話通左， 「喂。家慧 。我係Denise 想問你功...」

「家家！呢個點彈？？ 呢個？定係嗰個？」
電話對面傳黎似係佢細佬嘅聲音 應該係彈緊琴

「妖 你好煩 出返去啦 記得閂返門！」
家慧應該入房聽我電話 但佢仲口up up咁話緊佢細佬：
「教你彈琴慘過食屎」

之後開始請教佢功課 佢又share下佢對溫書嘅心得
仲講左小小佢對未來嘅睇法
又傾下佢個朋友-心兒 都算傾得幾開心
但唔知點解問到Econ嘅時候
好似聽到電話傳出左一句
「Oh Shit Econ」
不過應該係我錯覺 家慧又點會講埋d咁嘅野

第一次嘅穿越體驗 Day1應該就到呢到結束
眼前又再漆黑一片
之後會發生d咩 我仲係好迷惘