援交學入門: 第十一回﹒四項，阿英最終涉及罪案數目
「順我者昌，逆我者嫖娼。」網民
話說阿英介紹畀林宛琪嘅人之中，有一名三十五歲嘅短髮女性，名叫Carrie。阿英介紹Carrie畀林宛琪識，係因為Carrie好有江湖地位，佢係親政府嘅基金會成員，喺官場同黑道通吃，係阿英都唔敢隨便得罪嘅人，所以阿英同林宛琪有咩事嘅話，都可以搵Carrie照住。Carrie對林宛琪一見如故，佢好欣賞林宛琪呢啲又聰明又勤力嘅女仔，覺得林宛琪同年輕時嘅自己好相似。Carrie亦相信，林宛琪繼續努力嘅話，佢嘅援交事業會發光發亮。
阿英深愛著林宛琪，但林宛琪開始唔領情，一來阿英床上表現太粗暴，一次半次都算，但次次都係咁真係接受唔到，搞到林宛琪好痛，試過痛到要休息而推客；二來阿英管得太多，問同啲客、尤其是佢介紹嘅客做過咩嚟。講真，除咗扑嘢，仲做啲咩呢？搞到佢啲朋友唔敢再幫襯林宛琪都算，平時林宛琪做咩佢都要管，好似想操控林宛琪嘅生活咁，搞到林宛琪相當不滿。
Carrie短髮嘅中性形象，同其他女人嘅氣質好唔同，加埋唔知係林宛琪天生水性楊花，定係同男人搞得太多，林宛琪竟然對Carrie有好感。雖然Carrie已婚，但係佢同佢老公關係疏離係人都知，政治立場唔同之餘，仲要有一次喺國慶酒宴出事⋯⋯當時堂堂天朝大國元首出現，風采萬千如小熊維尼，大家拍手歡迎。點知Carrie個死人老公竟然唔跟住拍手，大家唱歌佢又唔撚跟住唱，完美表現咩叫「站著如嘍囉」，成為眾人笑話，Carrie顏面無存。
Carrie同佢老公關係咁疏離，佢兩個當然冇扑嘢好耐啦！Carrie嘅性抑壓已久，不過佢同好多人一樣，平時好忙，連自慰嘅時間都冇，就算買好多性玩具都冇乜用到。性呢樣嘢好似同佢愈嚟愈遠，變得好奢侈。
Carrie再忙，都唔會唔理林宛琪，因為佢覺得同林宛琪一齊好舒服，林宛琪有咩需要，佢都願意幫忙。有一次，林宛琪因為客人想去啲豪華但又唔係太貴嘅酒店，於是問Carrie有冇介紹。啱啱日本公幹返嚟嘅Carrie心諗，不如帶林宛琪住一晚酒店，順便畀林宛琪感受吓間酒店得唔得之餘，自己亦唔使對住佢個死人老公，於是佢同林宛琪開房。
當晚，Carrie展示佢啲性玩具出嚟，咩類型嘅都有，佢比林宛琪試用。林宛琪當然好興奮，立即拎個震蛋試吓。試試吓，Carrie睇見林宛琪淫樣展現，星眼朦朧，自己亦淫心輒起，摸起林宛琪滑溜肌膚，彼此除去對方嘅衣服，顫聲柔氣，呻呻吟吟，哼哼唧唧⋯⋯倆人喺床上經歷甚久，亦係佢倆個第一次同同性交歡。雖然林宛琪床上經驗豐富，但係同女人做始終唔同。女人溫柔、鐘意愛撫，而且可以慢慢嚟，享受嘅過程可以好長；唔似得啲男人，一嚟就好粗暴咁搞，完全唔理對方感受，而且又好快射！
林宛琪同Carrie攬住對方入睡，呢一晚好特別，係佢哋一生中最享受嘅一次性愛。佢哋兩個都冇諗過竟然同對方上床，但一切都發生得好自然。喺清晨時份，佢哋瞓醒，當時天色多雲昏暗，潮濕有雨，濕凍嘅天氣令到佢哋攬到實。林宛琪瞓起Carrie個左胸上，不斷用手指挑逗Carrie略尖嘅乳頭，並以舌尖同嘴唇輕吻Carrie嘅水滴胸；而Carrie隻手由攬住林宛琪條腰，慢慢掃落去，掃到佢渾圓白滑美臀邊緣⋯⋯倆人望住對方，感受到對方嘅心跳、體溫同體香，有歌詞為證：
徘徊在似苦又甜之間，望不穿這曖昧的眼。
其實佢哋唔止曖昧，而係相愛啊！嗰朝早佢哋再嚟一場巫山雲雨，期間纏綿細節暫且不提。
倆人相戀，好多事可以開門見山咁講。Carrie講到佢喺日本嘅見聞，包括一啲風月場所、色情資訊。Carrie問林宛琪，如果一個新晉或三四線嘅日本AV女優，嚟香港兼職援交，有冇得做呢？林宛琪當然覺得有得做，而且係好大競爭對手添！林宛琪問邊個AV女優想嚟香港做援交。Carrie話其實好多唔出名嘅AV女優都好窮，或者就因為咁先拍AV，佢哋有啲人喺日本都做緊援交，而且佢哋都會諗，出國做援交會唔會賺得多啲呢？至少AV女優呢個身份都吸引到人啦！林宛琪認同呢番說話，並講笑咁問Carrie係唔係想做佢哋嘅龜婆。Carrie否認，佢又唔識呢瓣，又忙到死，而且成日唔喺香港，點會掂呢？
「不如你做啦！」Carrie咁講，林宛琪有啲意外，不過佢諗一諗，決定應承，因為佢睇得出呢個係商機。
林宛琪喺Carrie嘅協助下，成功引進幾名三四線嘅日本AV女優，並做埋佢哋嘅龜婆。引進嘅女優唔出名，相信喺香港冇乜人識，不過只要掛住「AV女優」呢四個大字，再加埋林宛琪喺微信嘅宣傳，當然要加埋佢哋AV作品嘅連結同封面照，仲引唔死班鹹濕佬幫襯咩！而且每個AV女優停留香港嘅時間有限，所以林宛琪收幾貴都唔怕，總之林宛琪賺到笑！
連AV女優咁難都引進到，點解唔引進埋本地女仔呢？林宛琪成功引進本地女仔為其門下。呢啲女仔，好多都好似張凱婷咁，有做開援交，但係市場競爭激烈，發唔到圍。對呢班女仔嚟講，有人幫佢哋接生意當然最好，就算林宛琪抽佣多，但係林宛琪有辦法吸到啲客，計起上嚟佢哋都有著數。
至於呢班女仔點解做援交？背後有唔同故事。例如有個叫Jenny嘅女仔，係幼稚園老師，因為細佬欠賭債，佢老豆老母要求佢幫細佬還債，但係佢本身賺得唔多，只能夠賣身還債；粟米同Amy都係勤力嘅女仔，佢哋分別為咗追尋舞蹈同音樂夢，一個賺錢學藝，一個賺錢去做自己想做嘅嘢。
不過論最慘嘅援交妹，Tiffany應該都係其中之一。Tiffany本身係會計界高材生，事業如日中天，點知佢前度男友有佢嘅床上影片，並威迫要同佢性交，否則會將影片流出。Tiffany只好跟從，不過影片最終都係流出，佢身邊嘅人包括家人朋友同事都睇過。後嚟，佢前度男友仲要將條片發送到各會計師樓，令到全行都知佢流出，亦因為咁佢連份工都冇埋，全行都唔敢請佢，個個都覺得佢好淫賤，甚至鬧佢（但係冇人鬧佢前度男友），報警警察又唔受理（諷刺嘅係，佢前度男友係一名警察）⋯⋯而家佢唔理得咁多，豁出去，淫賤就淫賤，直接做援交算數！
以上內容，有幾多成係真無從考究，但肯定嘅係，有人出於非自願或形勢所逼而做援交。大家唔好唔記得林宛琪係中文系畢業，文筆有返咁上下，佢喺微信介紹佢其下援交妹嘅故事，一改以往援交妹貪錢嘅形象，吸引到唔少新客嘅眼球。你一方面享受服務之餘，同時幫緊人追夢還債，幾咁好呢！啲客自然「有理由」幫襯多啲，林宛琪收入咪大增囉！
除咗引進囡囡加盟外，林宛琪見證唔少男人好快軟同射，佢心諗，如果接客嗰陣順便賣埋偉哥就最好不過！不過賣偉哥犯法，而且唔容易得到，點算？搵Carrie！的確，Carrie黑白兩道通吃，人脈甚廣，冇嘢難到佢。偉哥啫，立即介紹渠道畀林宛琪，於是林宛琪賣埋偉哥！由於偉哥出面要醫生處方先可以買到，而家林宛琪醫生紙都唔使，邊個都賣，所以佢大條道理賣貴啲，你係吹佢唔脹嘅！
基本上Yuki喺雞蟲界有好高名氣，好多援交妹都聽過Yuki呢個大名，林宛琪短時間內攀升到行業前列位置，真係唔簡單！林宛琪嘅成功，連阿英都感到意外。起初林宛琪唔理阿英，阿英都以為佢工作忙先會咁；但係有一日，有條茂利向阿英通風報信，話林宛琪同Carrrie關係異於尋常，倆人經常開房。阿英疑心重，加上林宛琪對佢嘅訊息十問九唔答，於是佢決定扮嫖客幫襯林宛琪。
當日，林宛琪入到酒店房，發現竟然係阿英！阿英不斷質問林宛琪，林宛琪唔知點答好，點知阿英忍唔住怒氣，打咗林宛琪一鑊。
林宛琪被打到受傷兼受到驚嚇，要休息一段時間先可以接客。俊仔日日陪林宛琪又幫佢療傷，而且可以趁療傷機會摸到佢家姐嘅香肌，仲要由頭摸到落腳，俊仔何樂而不為呢！至於孫雪娥，佢只係知道佢個衰女包放大假，由朝到晚都喺間房唔出嚟。不過孫雪娥唔鬼理佢咁多，廢事被佢激到心臟有事。
打完林宛琪後，其實阿英都有後悔，因為林宛琪真係同Carrie親密嘅話，Carrie可能會對付佢，到時佢就好撚大鑊。果然如阿英所料，Carrie唔忍心林宛琪被人打，於是派人捉咗阿英係咁打，然後塞佢落一個麻包袋到，抌佢落海！
看官聽說，世事冥冥中註定，報應會喺大家估唔到嘅情況出現。Carrie估唔到，由於水流問題，阿英竟然漂咗去大陸！咁啱阿英本身喺大陸得罪人多，阿英最終被控煽動顛覆國家政權、偷越邊境、行賄同嫖娼共四項罪名而入獄。不過過咗一段時間，阿英竟然出現喺大陸新聞節目，佢喺節目中接受專訪，話自己好多年前，喺大陸因為醉酒駕駛而撞死一個女仔，事後立即毁滅證據兼逃離現場。雖然事件不了了之，但係阿英自稱「良心過意唔去」，於是決定返大陸「自首」。
節目播出後，冇人知道阿英嘅下落，呢個訪問睇到林宛琪同Carrie哈哈大笑，Carrie之後仲特登長租一間酒店房（Carrie唔方便買樓啊，佢老公睇實條數，林宛琪你體諒吓啦），畀佢哋偷情或林宛琪接客用。從此，二人過住美好幸福生活！
畢竟未知後來如何，且聽下回分解。