援交學入門: 第九回﹒六分鐘，張凱婷首次跟Mandy對望交談時間

「當你舔著野鮑魚汁時，也別忘了我也可以喝別人家的豆漿。」MK網民

話說張凱婷於港共十四年、即公元二零一零年，以勉強嘅成績入讀宗教研究。當然張凱婷並無宗教信仰，亦對宗教毫無興趣，入讀宗教研究但求有個學位。由細到大，張凱婷運氣平平，論聰明遠不及林宛琪；論人緣亦不及俊仔。張凱婷雖然勤力，但自覺得唔到好嘅際遇。講真，今次佢能夠升讀大學，已屬萬幸。

但係同張凱婷同宿嘅Mandy就相反，Mandy全名為黃思敏，佢同張凱婷同年出生兼同年升讀大學。Mandy入讀法律系，佢由細到大都係品學兼優學生，同張凱婷好唔同。 

「你好，我叫Mandy。」張凱婷第一次入到宿舍後，見到Mandy呢個四眼妹坐喺床上，於是張凱婷走到對面床坐低，Mandy立即伸手向佢打招呼。

「我叫凱婷。」張凱婷同Mandy握手。



自此，張凱婷同Mandy相熟，佢哋之後成為密友。

其實，張凱婷冇諗過佢哋真係成為密友，始終佢倆個性格好唔同。Mandy為人文靜內向，講嘢細細聲；而張凱婷死MK一名，講嘢大大聲兼多粗口。不過Mandy始終係個好人，而且觀察入微，嗰陣時張凱婷啱啱同俊仔分手，經常悶悶不樂，都逃唔過Mandy雙眼。從來怕嘈嘅Mandy唔介意張凱婷喊，並且一直陪伴佢，甚至請佢食嘢。當然張凱婷亦好識做，每當Mandy溫緊書時就唔會嘈佢，作為報答。

張凱婷從來都好少遇到Mandy咁好嘅人，張凱婷當然要好好珍惜，畢竟張凱婷經歷過家道中落、畀同學嘲笑、失戀兼大過女，心態同以前有少少唔同。張凱婷見Mandy家境較窮，於是有兼職時，都介紹埋畀佢一齊做。佢哋做過補習老師，亦一齊做過電話訪問員，但做得最耐嘅，竟然係偵探社助手。可能係偵探社長期缺人，同埋Mandy讀法律兼觀察入微嘅關係，所以得到老闆垂青（咁老闆又唔太介意張凱婷冇乜作用嘅）。

張凱婷同Mandy喺偵探社做得最多嘅，就係喺時鐘酒店附近，捕足目標人物有冇出軌，如果有，就立即影低。呢份工作，張凱婷可謂睇盡人性醜陋，佢發夢都冇諗過，無論人夫抑或人妻，原來偷食、捉姦如此普及。好多人嘅性需要唔細，唔止得佢同林宛琪係咁。

當偵探社助手需要花唔少時間等目標人物出現，期間非常無聊同唔可以隨便走開，係一門苦差，而且人工唔高，連一向好捱得嘅Mandy，都最後辭職，做返補習老師算；張凱婷當然比Mandy唔捱得，一早辭咗職，但張凱婷又可以做啲咩呢？做補習老師佢又唔夠Mandy嚟。張凱婷諗諗吓，發現做援交都好似唔錯喎，原因係⋯⋯



一﹒可以滿足自己性同金錢上嘅需要。

二﹒可以滿足男士嘅生理同心理需要。作為主修宗教研究嘅學生，張凱婷好清楚人之所以信教，都係為咗心靈上嘅救贖同寄托，但唔係個個人都接受到宗教信仰；相反性愛有較多人嚮往，同樣可以做到心靈上嘅慰藉。

三﹒佢做偵探社嗰陣見到咁多人偷食、咁多人尋求性服務，點會冇生意呢？

張凱婷於是開始佢嘅援交生意，做法同林宛琪大同小異，都係喺MSN同網上討論區招攬生意；唔同嘅係，張凱婷並冇改藝名，繼續用「凱婷」呢個名接生意。另外，張凱婷嘅援交事業發展遠不及林宛琪，原因有以下幾項：

一﹒張凱婷文筆差。張凱婷冇林宛琪咁有文筆同學識。張凱婷唔識寫文，又唔識分享性愛資訊畀客人，或者佢根本唔熟悉性愛知識，未能同客人形成緊密關係，好多客都係幫襯張凱婷一次就冇再回頭，留唔到熟客。



二﹒張凱婷死MK又惡嘅性格，未必個個客都鐘意。好多客都想搵個溫柔嘅囡囡，享受溫柔鄉，或者鐘意囡囡聽晒自己話；相比之下，要畀錢受一個MK妹嘅氣，並唔係大部份客人嘅意願，佢哋只會覺得你冇禮貌，一啲服務態度都冇。

三﹒張凱婷床上功夫一般。張凱婷唔似得林宛琪咁，細細個已經研究男女交合之事。張凱婷未做援交之前，性經驗只有同俊仔嗰幾次。含吹奶啜樣樣都未學精就出嚟接生意，當然容易出事啦！出事得最多嘅，就係整到對方下體痛，包括吹簫時張凱婷排牙整親對方，或者張凱婷為咗對方快啲硬，大力咁擢，令到對方得個痛字。

雖然張凱婷不足嘅地方唔少，所以接到嘅生意唔多，但係張凱婷至少係一名美女，身材亦唔錯，未至於完全冇客，而且張凱婷都算鐘意呢份工，並打算繼續做落去。

畢竟未知後來如何，且聽下回分解。