援交學入門: 第七回﹒八秒，林宛琪決定做援交妹的所需時間

「若你喜歡怪人，其實我很美。」黃偉文《大開眼戒》 

話說林宛琪公開試成績優異，成功考入大學中文系，就連一直同佢關係一般嘅孫雪娥，都要特登斬隻鵝同佢慶祝。 

讀大學期間，林宛琪喺一間電器鋪兼職推銷員，負責推銷手提電話，而同佢一齊共事嘅，係一名叫Donald嘅三十歲男人。 Donald為人正直，負責帶住林宛琪做嘢，亦教識林宛琪好多銷售技巧如下：

一﹒唔好急住推銷產品。間間電器鋪嘅產品幾乎一樣，你咁急去推銷做乜鬼呢？你推銷完，人哋都可以去隔離鋪頭買個同款啫！而且客人冇需要，你推銷嚟都冇用啦！正如一個男人唔嫖，你推銷一個性感妓女又有咩用？佢最多打飛機嗰陣幻想吓，但唔會攞錢出嚟幫襯囉！不如等客人好似有啲興趣，先去推銷都唔遲啦！

二﹒了解客人需要。每個客都有唔同需要，針對客人唔同嘅需要，介紹相應嘅產品。雖然某一類產品需求可能特別多、或特別受歡迎，但唔係絕對嘅。例如好多人叫雞都想揀個大波嘅，但係有啲人真係鐘意平胸嘅，你唔通向鐘意平胸嘅客，推銷一個大波妹咩！



三﹒建立信任。銷售，唔止銷售產品咁簡單，當中包括銷售埋銷售員自己。顧客對你信任，成功銷售嘅機會大大提升咗；否則，人哋都唔信任你，點會幫襯你啫？就好似個鳳姐身材幾好又點，個客覺得你唔可靠、似呃錢嘅，都唔會走去幫襯啦！

四﹒為客人解決疑慮。客人買唔買之前，好多時都會猶疑，佢哋會諗抵唔抵、值唔值。如果銷售員能夠解決顧客心中嘅疑慮，顧客買嘅機會自然增加。就好似你去架步，擔心地方污糟唔衛生，但如果場地能夠證明自己乾淨，例如所有毛巾都消過毒，嫖客都安心消費啦！

對於Donald嘅教導，林宛琪好快學上手。各位讀者可能有啲唔明，Donald平時為人正正經經，比俊仔更正經，似係連飛機都唔打嗰隻（林宛琪好清楚俊仔有打飛機，因為佢偷睇過），但係點解成日用叫雞嚟比喻銷售呢？心水清嘅讀者可能已經估到，呢啲比喻都係林宛琪自己諗嘅，同Donald無關；但係呢種比喻，的確令林宛琪容易記得各種銷售技巧，並應用得得心應手。

林宛琪長時間跟Donald做嘢，慢慢得知Donald係對性非常反感嘅人，例如逢親有性感美女過嚟，Donald要求林宛琪上前服務，自己則行埋一邊。林宛琪亦知道Donald係基督徒，基督徒對性方面比較保守係人都知，但係林宛琪始終會諗，基督徒有性需要會係點？尤其是Donald呢啲壯年男子，真係可以禁到慾？

林宛琪對Donald充滿好奇，為滿足自己嘅好奇心，喺休息同放工嗰陣，佢會問Donald一啲日常生活之類問題。對於林宛琪嘅行為，起初Donald有啲避忌，甚至覺得佢有啲怪；但慢慢相處落去，Donald覺得林宛琪似係好女仔，至少唔似之前做兼職嘅女仔咁背後笑佢，笑佢騎呢，笑佢木獨。



好多人視Donald為怪人，作為怪人，當然冇乜朋友，更加唔好講女朋友。其實幾年前，Donald曾經有個相當要好嘅女性朋友，Donald成日同佢行街食飯，又成日買嘢畀佢。Donald對佢有啲感覺，而且為滿足佢呢位女性朋友嘅物慾，於是努力工作賺錢，每朝都會對住塊鏡講「我要做好呢份工」，以作自我鼓勵。

不過好景不常，Donald好快發現呢個女仔，其實有好多條仔，Donald只係其中之一，仲要係條件最差、關係最疏離嗰個。至少佢哋冇過拖手，一啲感情上嘅暗示說話都冇，同Donald一齊，只不過貪Donald成日買嘢畀佢。呢啲都算，最令Donald傷心嘅係，佢發現個女仔鐘意夜蒲、亂搞男女關係、甚至做援交⋯⋯

以上事情，都係林宛琪後嚟先知，並且對Donald嘅遭遇有啲同情。點解林宛琪會知？因為林宛琪同Donald都係怪人。怪人同怪人，自然同類相吸，互有好感，透露彼此心事，最終倆人相戀。

其實林宛琪同Donald冇乜點去拍拖，一來怕其他同事見到，二來佢哋工作上相處嘅時間都唔少。Donald對林宛琪冇甜言蜜語，反而講咗唔少銷售故事，例如Donald會為每個產品創作背後嘅故事，個產品點解會出現、佢需要啲咩；亦會代入自己係客人，自己會想買啲咩、有咩服務；甚至幻想鋪頭入面嘅客人，幻想佢哋嘅背景、人生經歷等。

以上就係佢哋拍拖時講嘅嘢。冇錯，佢哋好奇怪、係好撚奇怪嘅一對情侶。不過林宛琪有佢嘅性需要，佢希望同Donald上床，共赴巫山，但又唔知點開口。林宛琪亦好清楚Donald嘅為人性格，相信佢好大機會唔想扑嘢。



唔好話扑嘢，佢哋連拖手都少。雖然已成為一對戀人，但Donald仍好避忌同林宛琪有身體接觸，林宛琪因此而感到痛苦，大家明明係一對情侶，但日常接觸好似只係普通朋友關係。直到有一晚倆人放工嗰陣，颱風吹襲，狂風暴雨，交通大受影響，Donald只好帶林宛琪到自己屋企暫避。倆人獨處一室，身上嘅衫濕晒，Donald攞咗條毛巾畀林宛琪抹身。唔知係林宛琪理解錯定係特登，林宛琪除晒身上所有嘅衫，然後用毛巾包住自己個身，走出房間嚟到Donald面前！Donald受到驚嚇，唔敢直視林宛琪，林宛琪除埋條毛巾，雙手捉住Donald隻手，企圖畀Donald觸摸佢渾圓豐滿嘅乳房⋯⋯

「痴線㗎！」Donald第一次鬧林宛琪，佢眼尾已經𥄫到林宛琪一絲不掛，並立即縮開隻手，隻眼亦轉向另一邊。

林宛琪一時唔知點回應好，佢諗自己係唔係太心急，嚇親對方呢？林宛琪只好死死氣，嘗試掂Donald隻手，講聲對唔住。

「咁鹹濕不如去做雞！」Donald縮手同林宛琪講。

「係喎，做雞咪得囉，點解我諗唔到嘅？」

「做雞？援交咪得囉！」

以上兩句係林宛琪嘅內心反應，林宛琪已決定做一名援交妹，從此改寫佢嘅人生！而Donald喺林宛琪走咗後，打咗久違了嘅飛機，係為林宛琪而打嘅。事後Donald後悔不已，其包莖隱隱作痛。

畢竟未知後來如何，且聽下回分解。