作者小點滴: 新歌推介: 猥瑣 吳保錡@ERROR

吳保錡

猥瑣

作詞：黃偉文
作曲：Larry Wong
監製：舒文

長得 再普通 仍厚道
於她 我怎麼 像糞土




個個 浩劫𥚃 都死了 也不肯抱抱

單戀 我知一條死路
如果愛 自製到
這種 慘案大概 可免遇到

習慣 忠直做人 不想遮蓋 坦蕩蕩情愫
又哪知 這樣豪放 敞開我心 就成為被告

對待人 最熱情 的我




她竟然 稱之為 惡魔
於眼神中懇切示愛 還要被說是太猥瑣

百萬人 鑑定為 好貨
苦笑為何 她 只見最差的我
老天真待我不錯

不想 去騷擾 才偷望
何解仰慕眼光
叫她感到像個 痴漢在看





換個 花樣藝人 陰險的笑 都特別晴朗
若我敢 僭越防綫 講聲你好 或隨時命喪

對待人 最熱情 的我
她竟然 稱之為 惡魔
於眼神中懇切示愛 還要被說是太猥瑣

百萬人 鑑定為 好貨
苦笑為何 她 只見最差的我
老天真是氣死我

連同場 或互望 也不能
還談什麼





世上還 有別人 等我
她竟然 這麽 嫌棄麼
一個人 不可愛沒錯 不會自愛至坎坷

世上還 有別人 爭我
歧視我的 換一雙眼 變喜歡我
說猥瑣是你的錯

信未來 有別人
肯收容 黑天鵝
千百人 都踢走 愛我

呢首歌係Poki嘅第一首正式單飛出嘅👏👏👏，歌詞都係Poki自己嘅親身感受，用一個黑色幽默自嘲自己，Poki被人笑佢似八兩金，個樣「長得再普通」但佢「仍厚道」默默接受，見到靚女，但自己就「像糞土」一樣，始終都唔夾「單戀」係一條死路，想「忠直做人不想遮蓋」卻被誤會「就成為被告」(猥瑣樣人真慘)，向佢示愛被當成惡魔，一個人係咪應該因為美醜評斷能力或者個人感覺呢？佢之前深受醜聞影響，形象插到落谷底，被公司雪藏，後嚟佢有做補救，例如《Error自肥企劃》入面努力不懈咁練片石仔、彈結他丶玩花式搖搖等，如今嘅佢已經不再係3年前好容易失言被人話MK就屌人、不再玻璃心勇敢承受，蛻變成新嘅Poki Ng。歌唱表演佢好俾心機，因為最大競爭對手就係MIRROR、P1X3L、193、Fatboy，佢每一隻字含有豐富感情咬字，猶其是「對待人最熱情的我她竟然稱之為惡魔」唱出被女神拒絕嘅無奈同無力感，咬字十分清晰，歌曲前半段好沉重，曲尾鬆一鬆，對自己嘅信心亦都增強咗，從傷痛走並非易事，「信未來 有別人 肯收容 黑天鵝」，有個機會出歌。Poki，明星就算有缺點，受人憎厭都唔應該妄自菲薄，總有人會欣賞你嘅，亦不必介懷，今次Wyman詞道盡Poki從ERROR出道受到冷言冷語自我內心心理之感，3年嘅養精蓄銳令Poki有更好表現，包裝過嘅Poki定能成為「百萬人心的好貨」。編曲簡單，Simple is perfect。MV表達簡單，構圖黑暗負面，朕的覽物之情同遷客騷人得無異乎？另外MV有Heidi 呀❤️❤️❤️❤️❤️，有靚女加分！

Poki加油呀～世上總有人賞識你㗎，之前ERROR作曲嘅《我們不Chok》可見有能力，另外佢係《ERROR自救TV》中自己曲詞由自己包辦嘅《ikigai生き甲斐》(MV女角好靚❤️❤️）都好值得聽！另外《花姐Error遊1》同《花姐Error遊2》都有唔少好笑嘢(例如怕Bungee jumping）





ERROR爭何啟華一哥未出歌⋯⋯2023仲唔係你

不喜勿插，小弟盡量中立寫評(小弟係錯粉兼Pokimon），屌都屌細力啲😅🙏

寫於2022.04.19 01:00 AM,香港