唔該，我想搵一個人

那是一位足以用可愛來形容的女孩，她看起來有著包包臉，一把烏黑的長髮散落下來，厚厚的瀏海下還有著一雙迷人的大眼睛，長得標緻不過。

但像她這般的女孩，真想不通為何會找我搭訕。

她戴著藍白色的格仔頸巾以及穿著棕色的長外套，十分配合這寒風習習的天氣。

說話的時候溫文爾雅，笑的時候忧如陽光一樣燦爛。

而我和她也有著某些共通點，同樣是人類，同樣是沒有戴眼鏡，同樣是辯論比賽的參加者。





那是二零一七年的十二月十七日，我把以上的描述記錄在電話的備忘錄裏頭。

然而，現在我便把這段描述全盤托出給眼前的女孩知道。

「乜嘢同樣是人類呀......哈......」女孩似笑非笑，用右手的手背輕托著下巴評論道：「不過，你寫咗咁多關於嗰個女仔嘅嘢，都唔講下佢點搭訕你嘅？重點呢？」

「咪搭訕囉......我第一次俾女仔搭訕已經係重點啦。」我說。

女孩的好奇心像是湧泉般，向著我連續發問：「咁佢嗰陣同你講啲咩呀？下文呢？跟著有冇問你拎contact呀？」





我苦笑，道：「我都想有下文，嗰陣太細膽......」

「唓，咁即係冇嘢聽啦。」女孩面露不屑的神情。

「你想聽啲咩？」

「至少有發展過下啦，拎完佢電話，再約佢出街，然後追埋佢啦。」

「你FF得太多啦。」





「但你會將嗰個女仔嘅嘢寫低，證明你第一眼，或者你同佢傾完計之後對佢有feel啦，唔係咩？」女孩一語中的。

我聽罷，也反思著：「可能係啩......」

「雖然呢，就有啲變態。」她輕笑著說。

「依啲叫毒啫，早知唔俾你睇。」我故作不滿。

「咁鬼叫你輸咗game。」女孩說罷，忽爾神色一轉，道：「不如呢......我哋再玩多個game。」

「咩game？」我問。

「如果你搵得返依個搭你訕嘅女仔，我就應承你一樣嘢好冇？」她問道，然後睜著水汪汪的雙睛盯著我。

我笑道：「痴線，點搵呀？香港有成七百萬人，仲要我完全冇佢其他訊息，依家又人人都戴哂口罩，同埋......」





「咁你信唔信緣分？」她打斷了我，問道。

「嗯......」我說：「咁係咪搵到佢，做咩都得？」

「除咗做愛。」她笑著說。

「嘻......」我被她的一句話引得不禁失笑，再道：「我哋今日第一次見咋喎，你唔驚返到去我會block咗你咩？」

「吓......你會咩？」她不在意的說。

「咁通常第一次見完，都會諗對方會唔會想再見㗎嘛？」我說。

「咁所以咪同你玩個遊戲。」她說：「你可以諗下我係有心想同你講byebye定想再見到你㗎。」





面對眼前如此率直的女孩，我不禁苦惱著：「如果我搵唔到呢？」

「你都可以照搵我㗎，緣分呀。」女孩眨了眨眼睛，再說：「記住緣分呀，嘻嘻。」

女孩叫Eileen，是我第二個玩交友apps能約出來的異性。

而這一次，是我們第一次見面。

便開始了這個無厘頭的尋人遊戲。