歌。詞。故事: 《密封罩》

就算你叫我幾百次我都唔會應你，就算你摑我幾百次我都唔會叫停你。

我已經對世界感到疲倦，嘆一口氣既氣力都無，對所有事物都不瞅不睬。

算喇，反抗唔到就唯有默默承受宿命，要係呢個世界生存落去感情已經變得唔太重要。

我既淚腺已經被割清，就連血液都漸漸變冷，再無脈搏，此刻既情緒發洩都無任何意義。

我以後都唔會再傷心，同時亦都沒法再興奮，麻木到一邊乾香檳一邊抽煙觀看地震。





你唔好為我感到難過而去施捨憐憫，失去感情都算某樣抗體去免疫痛楚，係天賜給我既護蔭。

試過好理性咁同你交流但係你又無動容，我亦都試過去搵人控訴但係無聽眾。

反正塵世既大家都變得越來越似，漸漸變啞同聾。

又有邊個會理我係唔係自閉家中，無病無痛。

我以後都唔會再傷心，同時亦都沒法再興奮，麻木到一邊乾香檳一邊抽煙觀看地震。





你唔好為我感到難過而去施捨憐憫，失去感情都算某樣抗體去免疫世間既愁困。

我已經唔覺有任何事可以吸引到我，只能默默悼念軀殼內嗰一個「靈魂」。

下半身我會搬入一個巨型密封罩，唔再以靈魂面對世界。

棲身凡塵，誰個錯用情感，等於犯禁。