[微血腥] 覺能之戰 (逢二、四更新): 真相篇第四十章: 談判(四)

李灝愛滿臉不爽的跪在孩子前，從口袋拿出小黑色怪物，溫柔道：「幫媽媽送佢地走。」

孩子點點頭，摸摸小黑色怪物，小怪物忽然張大口，把月文及梓旻吞下。二人瞬間移動他們家的附近，月文道：「我已經同媽咪講咗我地會返嚟食晚飯同過夜。」

「總部呢？」梓旻問

「已經通知咗，反正你地唔見咗幾日。」

「我唔明，李灝愛一個人就可以衝入去，嗰邊嘅防衛咁差，我地唔係應該好容易就……」





「你就易！我同某人做咗項交易先放你走。」

「李灝愛？」

「唔係，仲有個人，你唔使識！」

「你交換咗咩？」

「唔講你知。」月文嘴角微微向上翹





「點解你唔叫嗰個人幫到底？」

「因為佢唔想。」二人終走到家門前，月文道：「返屋企唔好講公司嘢！」