[微血腥] 覺能之戰 (逢二、四更新): 謊言與隱瞞篇第三十三章: 準備迎接新隊長(三)

與Lina的練習不經不覺又過了一星期，梓旻雖有進行，但仍支撐不到五分鐘。可是Lina已經急不及待的進級要求梓旻進行反擊的練習，她的心急引起了梓旻的疑問，終於於某次休息時問她原因。

「點解你咁急呢？思想訓練咁得人驚咩？」

「係，我寧願畀人打到瞓低。」

「點解呢？思想訓練係用想像對戰情況？」

「係咁簡單就好……」Lina望一望梓旻，沉默了一會道：「我地大部分人都有某啲唔太開心嘅過去，我地唔想記得呢啲過去，師傅幫我地暫時忘記，但係呢啲回憶其實會成為我地嘅弱點。師傅一路提倡我地要盡力剋服呢啲過去，我地唔想就同師傅協議，只要我地做到佢嘅要求，就唔需要做思想訓練剋服呢啲回憶。」





「所以你地成日都要做啲好危險近乎會死嘅任務？」

「坦白講，啲任務最多係會令我地損手爛腳或四肢殘廢，有陸楠係度更加唔使煩永久傷殘嘅問題。唯一只係會痛到死去活來咁。真正危險嘅任務多數交畀一角做。」

「一角？隻怪物？溝通到咩？點解會幫你地？」

「聽聞係師傅同一角交手，師傅略勝一籌，之後只要師傅要求，一角都會做。壹雄佢地應該會知多啲佢地嘅交情，我就只係知咁多。」

「哦……你……講呢啲嘢我知……得唔得㗎？」





「你已經同我地呢邊嘅人，我地完全相信你。好！開始練習！」對於Lina等人對他的高度信任，梓旻不知如何回應，至少他還未能力完全信任他們，難道同一A Mark對他們而言是那麼的重要？

這些日子裡，梓旻的確感覺到自己能力上升了不少，但未經過實戰難以確定自己的力量提升了多少。本來以為只有覺力戰可以讓他識識身手，怎料在覺力戰前一星期，他被召集出動一次大型的緊急搜救行動。此次行動的規模算大，出動了兩支攻擊隊、三隊救援及一隊醫療隊，這次行動資料比之前的少，只知地點是十二層高的工廠大廈，位於市區中心，只知內有至少一隻百核。

地點的限制令總部決定除了醫療隊外不出動見習隊員，為了公平，O隊所有的新隊員也被留在後援，梓旻認為這是一種浪費。舊隊員盯需要全數出動，聽聞這是新高級隊長的安排。戴梓旻、澈硯和詡被分到主攻擊隊(一隊)，而陳德晉、Kiki和鹿仔則被分到主攻擊隊(二隊)。

如往常一樣，帶領的小隊隊長在途中講解任務內容和分配岡位，這次的小隊隊長是Mark：「我地負責7至12樓，其中四層由一個P隊加一個T隊負責，仲有兩層，一層由我同鈞悅(詡)負責，另一層由孔SIR同梓旻負責。仲有M隊雲耳木耳就負責7至9樓支援我地，O隊澈硯就負責10至12樓支援。救援隊嘅人可能會係樓層中搜索生還者，如果發現打鬥要小心傷到佢地。同時，如果佢地發現怪物，可能隨時聯絡我地，記得留意耳機！最後，要小心力道，盡量唔好破壞建築物，怕會有倒塌危機！」