[微血腥] 覺能之戰 (逢二、四更新): 敵或友篇第二十二章：重組案情 (三)

「點……點解？Lina都係「獨」嘅人？內訌？」澈硯十分有興趣

「未知，只知道佢同我同浩政A Mark一樣。」

「咩話？一樣？點解呀？」澈硯更興奮

「唔知！唔知！唔知！唔知！」梓旻看到澈硯興奮就不耐煩，嘗試轉話題：「一月又覺力戰，你同唔同我地一組？」

「好呀！」澈硯想也沒有想





「咁爽快？唔使同盲妹佢地講聲？」

「唔使！先到先得！」

「咁我就同佢地講聲啦！你好好休息啦！你幾時復職？」

「後日。」澈硯說完，梓旻便離開他的房間

---
「請問……係咪亞宏？」梓旻捱過了早上沉悶的接電話工作，終於等到午餐時間，剛到食堂就看見亞宏，便立即上前答話，他希望了解更多有關當日Rose襲擊總部的情況





「Oh！梓旻？我係咪可以咁叫你？上次好對唔住！我都唔想咁對同伴，但上級指示一定要做！」亞宏有點歉意的說

「你可以叫我亞旻，個個都咁叫我！我……係咪可以叫你亞宏？上次嘅事大家都明嘅！我搵你係……想知道個日Rose襲擊個日發生咩事。你……你知啦！無啦啦俾人懷疑，引起我好奇心！」梓旻不想令亞宏再次懷疑他與Lina的關係，但又想知事情始末

「當然可以叫我亞宏！我地坐低傾！」亞宏把梓旻帶到食堂的一角去，坐下後問：「你想知咩？」

「我……我聽聞係Rose同Dali造反，然後Lina又打佢地，其實咩事？當然……唔方便講可以唔講。」梓旻小心翼翼地問

「都冇話唔講得，尤其Dali嘅能力應該要俾多啲人知道！個日其實我八位押送同運送嘅隊長之一，當日……」





***

當日護送百核核心到達安置區後，本來希望可以等待百核生成新軀體後才離開，可是出動警報實在響得太頻密，甘先生見核心已安全進到玻璃特制獸籠，就帶四位隊長及四位隊員離開，只剩下四名隊長，包括亞宏、Rose、Mark及Buck)及四位隊員。當甘先生離開後，Lina都因為要分配下屬工作而離開了現場。

就在只剩下他們八人時，Rose拿出AP煙霧彈，說了一句：「對唔住各位！我要帶走呢隻百核核心！」

她把AP煙霧彈拋下便衝到控制台，隊員一一倒下。大概因受卧底戰的訓練，亞宏等人立即反應過來，阻止Rose接近控制台，Rose隨即拿出她的武器高壓水槍反抗。由於亞宏有自療能力，及Buck的行動制服有手動噴灑自身治療液的特別設計，二人不太受影響，唯獨Mark需用大量體力躲避。

大家也是隊長級數，在三對一的情況下，Rose一直處下風。可是，Dali的介入把局勢稍微扭轉。Dali不知從何霧出，至少在對戰的人沒有刻意留意他究竟早已埋伏，還是突然加入。他繞過Rose身後，打算靠近控制台，但被Buck發現。Buck以他那固執及拼死的精神，不理會Rose的攻擊，直衝至Dali那邊把Dali撞倒地上。

亞宏及Mark繼續對付Rose，而Buck決定先減少阻礙者。當Buck打算向Dali揮下致死的拳時，Dali突然大叫：「停！」

而Buck竟然真的停了！





Mark在背後大聲質問Buck為何停下來時，Dali站起來，越過了Buck，向著Mark及亞宏大叫了一聲：「停！」