[微血腥] 覺能之戰 (逢二、四更新): 對角篇第十六章：亡 (五)

醒來第一眼看到的是醫院的天花板，這次沒上次昏迷那麼辛苦，他很快就可以爬起身。望向左手邊是仍然昏迷的鹿仔，另外一邊的病床沒有人。他拖著沉重的身體離開病床走出走廊，鼓鼓爸爸正氣沖沖的走到醫院的護士站，而詡正正站在護士站旁吃餅乾。

鼓鼓爸爸及梓旻也走近詡，率先說話的是鼓鼓爸爸：「已經好忙㗎啦……仲要嚟接你地……」

「亞豪死咗……係咪呀？」梓旻不想把這事以既定事實說出來

鼓鼓爸爸靜了一會，長嘆一口氣：「唉！係！已經確認身份。次救援隊而家先返嚟，我而家要落去問清楚發生咩事，召集嘅時候都冇見佢個名。」

「Kiki呢？佢知道未？」詡問





「除咗昏迷緊嘅浩政，所有O隊隊員都知喇！Crystal同雲耳木耳陪緊佢。鹿仔呢？」鼓鼓爸爸伸長頸子尋找鹿仔的身影

「佢未醒。我頭先仲見佢瞓緊。」梓旻指一指病房

「仲瞓緊？都好嘅……等我查清楚先。你地快啲辦出院手續返宿舍瞓下啦！今日你地都放假，唔使返辦公室……都唔好返……Kiki情緒唔穩定，見到你地又喊一餐。」鼓鼓爸爸道

二人那日沒有回辦公室，直接到自己宿舍樓層去，離開升降機時碰到阮超。阮超手拿一包朱古力奶，頸掛著毛巾道：「喂！終於醒喇？頭先走個陣又唔預埋我……」

「冇時間吖！等得你嚟都俾人阻止咗啦！」詡邊說邊走，阮超及梓旻也跟上





「估唔到第一次任務就遇到咁多嘢……」阮超把飲筒插入朱古力奶

「係……我地冇你走得咁快，係海岸公園俾百核分身包圍，再俾紅核同角獸襲擊。以為終於可以休息下，點知亞豪死咗……」梓旻說丁完這裡就不禁悲傷起來

「休息下啦！一陣就可能有人call我地報告情況，有得瞓就快啲瞓喇！」詡只能用這說法說服梓旻暫時放下

「啱啱先醒都唔知瞓唔瞓得著！」梓旻有點負面

「沖個涼坐下都好吖！」阮超也有點看不下去，梓旻只有點點頭回房間去洗澡清理乾淨後，坐在床上不久後還是睡著了