[微血腥] 覺能之戰 (逢二、四更新): 覺力賽篇第十二章: 第一場領地爭奪戰 (五)

梓旻走到醫療站側的草叢旁找個隱蔽的角落蹲下來，嘗試平靜下來。平靜了片刻，突然有人在他旁邊停下，問：「你踎低喺度做咩？」

梓旻抬頭一看，原來是Albert。Albert雖滿臉疑惑的，但大概估到發生什麼事，他張開右手，手心向天，手指向上屈兩屈，再指向不遠處的長椅：「起身去個邊坐啦！」

梓旻站出來，低著頭尾隨Albert走到長椅坐下，Albert先開口：「頭先比賽表現幾好吖！做咩咁嘅樣？」

梓旻彎下腰，兩手肘頂著雙膝，兩手按著額頭，有點自言自語的道：「我⋯覺得好⋯好差⋯好唔掂⋯」

Albert似乎不太聽梓旻說的話，疑問道：「邊個？」





「我呀！我自己呀！」梓旻有點兒激動，抬頭說完後，又再抱著頭

「點會？幾好吖！」Albert的評價沒有讓梓旻感覺好起來

梓旻開始非常激動，放開喉嚨大叫起來：「我為咗自己無視，甚至唔記得咗自己隊友，而家佢骨折！其他人仲要為咗我好，要去隱瞞我，我真係好廢！」

Albert也跟著提高聲量：「骨折咋？你而家唔應該只諗自己錯咗乜，而應該諗點改變。你要慶幸佢係喺比賽傷而唔係真正戰場，你以為點解要搞覺力賽？就係要你有返啲實戰經驗！」

梓旻想反駁，但又想不到更有力的反駁，小聲說：「不過⋯」





「不過乜？唔發生都發生咗，係度鑽牛角尖，不停諗啲問題出嚟有用咩？」Albert向前張開雙掌，掌心對掌心的：「向！前！看！錯⋯就改啦！」

雖然梓旻心仍有點不舒服，但聽完Albert 說後，他多少也放下了一點執著。Albert回到工作崗位後，梓旻在長椅上坐了良久，冷靜下來了才回到醫療站，醫療站的各人也打算離開了。

楓大聲問：「亞旻，搞咩失蹤咁耐？」

梓旻嘗試手擠出笑容：「冇，想唞下氣。係呢⋯美慧佢左腳點？」

「哦⋯哦⋯」樺因知道美慧的事瞞不住梓旻了，頓時有點語塞：「佢已經行得走得，但M隊人只都叫佢留到今日最後場賽事完成先走。」





四人不約而同對看一看鐘，離今天所有賽事完成尚有兩小時。詡接著指向被梓旻傷的P隊成員的病床方向說：「佢都醒咗喇！仲好食得講得，你見唔見一下佢？」

梓旻沉思了一會，搖搖頭說：「唔喇，見咗都唔知講咩好。」

四人步出醫療站，沒有人敢哼一句話，主要是因為梓旻的沉默令氣氛變得非常尷尬。尷尬氣氛維持至走到市集前，市集熱鬧的氣氛緩和了他們的尷尬感，終於有人打破這靜局。

楓像孩子蹦蹦跳跳的：「嘩！今日好多人！」

詡無力的望着楓：「因為今日賽事特別多，參賽者都特別多嘛！想像下每場每隊每個參賽者都至少一至兩位屋企人或者朋友嚟就知幾多人。」

「屋企人、屋企人⋯」詡的說話在梓旻的腦內回響著，突然驚醒了剛才還在自怨自艾的他，大聲道：「死喇！我唔記得我屋企人！」

「咁快啲返辦公室攞返電話打俾佢地啦！」樺溫柔帶點緊張的回應

「唔使喇！你家姐嚟咗喇！」詡指著前方不遠處有個拿着一大個綿花糖的人，梓旻的姐姐正目無表情的看著他。梓旻向姐姐的方向走，每步都非常沈重，如像就要接受懲罰一樣，因為他知道姐姐不會有什麼好說話。





梓旻走到姐姐面前，再轉身向其他三人揮手道別後，就跟著姐姐離開了。沿路二人沒有說什麼，姐姐也只有在打電話給父母及問他要不要吃棉花糖外說過話，直至見到父母之前，梓旻一直感到自己被姐姐無聲責備。

「贏咗比賽喎！開唔開心呀？」爸爸興奮地問，梓旻只以苦笑回應

「頭先真係嚇死我喇！好彩最後都推得走嗰個人咋！」媽媽擔心的檢查梓旻的臉及身體有沒有受傷，她說「推走」時，梓旻的心刺痛了一下

「對唔住，我完咗咁耐都冇搵你地。」梓旻皺眉

「唔緊要，你睇！我哋買咗幾多嘢食！」媽媽展示手上一袋二袋的食物，笑得非常燦爛，似乎非常享受市集：「一齊嚟食啦！而且因為你未嚟，你家姐先可以同個眼鏡仔拍拖咋！」

「係朋友行街！」姐姐大聲澄清

「眼鏡仔？咩樣？」姐姐的「朋友」是比賽後最令梓昊醒神的話題





「你聽日仲有場比賽，今次要努力啲，唔好輕敵同連累隊友。」姐姐的話似乎衝著梓旻的痛處而來，梓旻不想再增加更多心靈創傷，只好收手不問下去

接下來的兩小時，梓旻與家人也過得非常快樂，這種快樂令他之前的負面情緒一掃而空。送走家人後，他也回到自己宿舍，洗完澡便躺在床上休息。一人獨處時，也難免回想今天發生的種種經歷，心裡帶點憂鬱，但他決定放過自己，明天於比賽中改進多些。

然而，進入夢鄉前，他想到今天有兩個問題解不開。第一，與姐姐拍拖的眼鏡男子是誰呢？第二，為什麼詡知道那是他的姐姐呢？未想通，最後也不敵睡意，睡著了。