是咁的，我是一個叫做G奶擒拿手的甜故作家【X鴨血米線】: 14
我：「Rachael，妳想唔想做我筆下嘅角色？」
R：「吓，可以咩？」佢個樣打咗個突。
我：「點解唔得，就算我啲角色無一個真人去做原型，我都要不停留意身邊嘅女仔，出街係咁昅女，留意佢哋啲衣著，神情，偷聽佢哋講電話，同姐妹chit chat，上討論區睇佢哋啲感情問題，關注呢排興啲乜，咁我筆下嘅角色先會鮮活立體，如果妳肯幫我嘅話，我可以慳返好多心力。」
R：「原來…寫作係咁辛苦，你重要咁認真。」
我：「哈哈，無計啦，本身就頂唔順網絡上啲打飛機幻想文，或者公主病思春故仔，我希望筆下嘅人物都係有血有肉，可以隨時活喺現實世界都得，加埋我對自己有要求，如果唔想寫嘅話可能已經一早封咗筆。」
R：「咁又唔好，我重想睇…但係，我要做女主角㗎，唔要做路人角色，或者得一夜情嗰啲。」
我：「用得妳嚟參考，就會跟返妳整個人嚟塑造，唔會係路人甲喇，妳可以放心，不過做主角會唔會壓力太大呀，我唔會寫到妳變女神㗎喎，或者做女二好唔好？如果我有idea會寫個殼出嚟畀妳過目，妳OK我先去馬。」
R：「好呀，好期待我喺你筆下會係點。」
我：「名我都已經諗好，就將妳個名掉轉。」
R：「吓，點樣將我個名掉轉？你又唔知我中文名…」佢個樣成隻迷惑的小鹿斑比咁。
我：「Sherry，Sarah，Cherry，三揀一啦。」
R：「哦…咁就Sherry啦。」
我：「Good，咁就配Sherry wine或者Sherry cask啦，呢個氛圍都唔錯。」
R：「Sorry，唔係好明你講乜…」
我：「妳個名叫Sherry，唔係Sorry，到時睇到個draft妳就會明㗎喇，咁不如而家除衫先？」
R：「吓！乜料呀？」
我：「妳唔係話肯做我小說嘅model咩？」
R：「小說喎，係字唔係相，做乜…要除衫？」
我：「妹妹，我而家係寫甜故喎，唔係寫OL辦公室政治鬥爭，要瞭解下妳個身體我先落到筆。」
R：「咪你而家睇到我咁囉，其他嗰啲…你腦補幻想都得啦，平時你都係咁㗎啦。」
我：「係，但既然有真人做原型，我想寫實的，唔好咁浪費，我亦都接受唔到用自己嘅幻想投射喺妳身上生安白做，呢個唔係妳，係一個四不像嘅混合體，我容忍唔到咁樣污染妳。」
R：「但係…你又容忍到自己輕薄我嘅身體？」
我：「都係嗰句，我係甜故作者，而妳係我嘅讀者，我非常重視女性嘅身體喺我嘅故仔點樣用文字表達出嚟，如果妳覺得我輕薄緊妳嘅話，呢件事可以就咁算數，或者妳唔係太適合睇我嘅作品。」
R：「G奶…你…做乜突然咁惡。」
佢個樣好似有啲委屈，搞到我見猶憐。
我：「Rachael，對唔住，但我唔係惡…只係認真咗少少啫，妳都知我對文字係非常執著，假如妳覺得有難處，我唔會迫妳，講過唔會蝦妳嘛。」
我摸摸佢個頭呵返佢，希望唔會嚇怕佢啦。
R：「如果淨係畀你望下，又無乜大不了嘅…但係你想寫我，唔係應該瞭解咗我個人先嘅咩，畢竟你啲文都係前戲多過正場㗎喎，又唔係每一章都啪啪啪。」佢振振有詞，確實係不無道理。
我：「乜你認為我好唔瞭解妳咩？」
R：「咁你講吖，我係一個點樣嘅女仔？」
我：「想問下，Rachael呢個名係咪妳自己改？」
R：「係呀，咁又有乜關係？」
我：「單從Rachael個名嚟睇，唔太出又唔太入，唔會話太多人用，又未至於係刁鑽，而且略帶防守性，估妳係一個穩守突擊嘅女仔。」
R：「乜…有名係攻擊性嘅咩…」
我：「大把，Josephine，Priscilla，Christine，Ivy…」
R：「好好好，咁重有呢？」
我：「Rachael，略帶書卷氣息，沉實中帶有智慧，比起Kristy多咗一分成熟，比起Karen又多一點內斂，比起Helen多一點可愛，又熱情過Iris少少。」
R：「喂，你唔好吹水唔抹嘴喎。」但佢又笑喎。
我：「作為一個『老作』家，差唔多啦，呢啲基本嘢嚟，但係妳覺得我講得啱唔啱先？」
R：「諗落，又好似真係差唔多。」
我：「重有，妳個名中間比起普通串法多咗個a字，證明妳希望可以睇落普普通通融入大眾，但係又不甘平凡想保留個人特色，係要好似抄Michael咁有啲法國feeling，想話畀人哋聽妳有獨特文藝嘅一面，係咪？」
R：「㖿…」講中咗啦，無聲出即係默認。
我：「同埋妳個Kate Spade袋，呢個牌子雖然唔係話好名牌，但絕對係中產女仔常見配搭，曝光度夠高唔會失禮，質素有保證之餘亦都非常重視設計，尤其係表達到精緻女性獨立自強嘅一面，亦畀到人多元化嘅感覺，呢個係咪妳想帶出嚟嘅message？同埋呢隻袋絕對高性價比，明顯地妳係刻意用心想以低成本嚟顯露自己最得體嘅一面，至於綠白黑配色，應該唔使我講啦。」
R：「唓，咁係因為我買唔起Loewe啫。」
我：「如果妳搵到自己條路，遲啲就會有錢買，我無估錯嘅話妳一樣係想買返綠白黑嘅puzzle袋，又或者妳捱下肚餓都可以買到嘅。」
R：「夠喇，你把口，我呢世都唔會贏得到。」
我：「嘻嘻，俾妳贏又點話，唔係贏我枝筆就得啦。」
R：「係呀係呀，我贏你個keyboard添呀…咁，你唔好手多多喎…喂，做乜係咁望實我…」
我：「唔望妳，咁我望邊度…條底褲都畀我睇晒啦，重怕乜鬼醜喎。」
R：「咁我細波吖嘛，唔準笑我㗎喎。」
終於，佢除咗件白色襯衫出嚟。