是咁的，我是一個叫做G奶擒拿手的甜故作家【X鴨血米線】: 6

R：「睇文字以為你老吹，原來真係描寫到栩栩如生，雖然文字簡潔，但一睇到實景就知恰到好處，不過…呢度好似有少少舊。」
我：「呢兩年乜環境呀？莫講話呢度，就連好多五星級酒店都無錢翻新裝修，算係咁㗎喇，將就用住先啦。」
R：「咁又係，唯有幻想下佢新淨嗰陣係點啦。」
我：「如果妳想睇我啲文嘅實景，我都想帶妳去青森，東京，九州，沖繩，台北慢慢玩，但而家呢個時勢，過多兩年都唔知有無得飛。」
R：「去咁多地方，你請我呀？」
我：「都唔係唔得嘅…不過講明先，窮遊㗎咋。」
R：「南丫島咩，去日本點窮遊呀？」
我：「買張UO，千零蚊多啲，住啲特價商務旅館，一晚四五百，同妳孖鋪㗎咋，唔好諗住一人一間房，如果妳介意就自己帶睡袋瞓地下，一係如果妳肯夾返一半就我瞓地下。」
R：「我見你寫到又和牛，又溫泉旅館，又鰻魚飯…重以為你好富貴。」
我：「一筆還一筆，有目標嘅話，多多都可以使，但如果漫無目的嘅話，慳得就慳，通常嗰區無好嘢食我就七點後去超市同啲日本師奶搶便當。」


R：「睇唔出你係啲咁嘅人嚟喎。」
我：「吖，又話我忠實fans，我咁多作品講點慳錢妳唔學，剩係學A5和牛…」
R：「咁人哋女仔嚟㗎嘛。」
我：「養壞晒，睇嚟你啲EX跳船幾醒目。」
R：「喂呀！」
我：「講笑啫…我去沖涼先，咁妳…」
R：「我喺度睇下電視等你。」
妹妹佢攞起咗個遙控，望住個電視黑屏，遲遲都唔肯㩒掣。
R：「我記得…你喺啲文度講過…」
我：「係呀，鹹片直播嚟，重要嗌到拆天嗰隻。」


R：「咁我應該…」
我：「應該乜？開電視，㩒數字轉台，搵到啱為止，當然我唔介意妳喺度睇鹹片。」
R：「睇你個頭呀…我先唔會中你計。」
我：「唔係呀…扮細路女咩，睇少少鹹片唔通就會㷫熻熻忍唔住想要？」
R：「唔係囉…先唔鬼理你。」
佢終於鼓起勇氣開電視，屏幕隨即有對洋人喺度乾柴烈火，aeiou咁…然後佢轉台，雪花，再上上下下先搵到佢想要嘅嘢，ViuTV啱啱播緊ERROR。
R：「喂！你做乜…喺度除衫呀？！」
我：「呢度一眼睇晒，邊度有位畀我換衫？無人叫妳望㗎喎，妳驚咪熄燈，或者瓹入個被竇入面。」
R：「睬你都傻呀，盡是叫我做埋晒啲危險嘢。」
我：「咁你就專心睇193啦，起痰未呀？」


R：「無囉，高得滯，唔係太啱我。」
我：「咁咪肥仔囉，夠晒風趣可愛。」
R：「但係肥仔…又好似有啲…」
我：「做人揀飲擇食，太多幻想，始速禍焉。」
R：「知喇…句句都窒住晒，知你大文豪。」
我：「唔係囉，文科唔係我本科，我只係爛作家一名，姜濤雖好，但風險高呀，你睇下啲吳亦凡，林俊傑，小豬，安心出行乜嘢德性？」
R：「你咁講，全世界男人都係衰㗎啦。」
我：「唔係囉，肥仔睇落真係幾好。」
R：「你肯定好似肥仔咁就唔會偷食？」
我：「唔肯定㗎，除非閹咗佢囉。」
R：「咁你講嚟做乜啫。」
我：「但你睇佢個樣，如果俾人發現偷食都會跪玻璃氹返妳啦，或者嬲唔落嘅。」
R：「你都黐線嘅。」
我：「嗯，妳好似想睇我換衫咁喎？」
呢個時候我已經除剩條底褲。


R：「無囉，男人換衫有乜好睇。」
我：「無乜好睇，但八掛囉，肥婆裸跑一樣多人睇…嗱，係我feel到妳隻眼好想移過嚟咋。」
R：「你咁講，我勉為其難望一眼囉。」
呢個時候我已經剝清光，佢視線劃咗一下之後，又繼續望返電視上面嗰四隻痀僂怪。
R：「你都…幾大隻㗎喎。」
我：「如果唔係點扑到啲女仔隻鮑魚典下典下兼噴水，嗌到喴嘩鬼叫呢？」
R：「喂呀！唔准講鹹嘢呀！」
我：「你禁制一個甜故作者講鹹嘢，同唔俾條魚游水有乜分別？全部變晒鹹魚啦。」
R：「理得你，鱷魚咪可以唔洗游水囉。」
電視播到Error喺柬埔寨玩鱷魚，佢指一指嗰幾條小可愛，然後又偷望一下我。
我：「係呀，鱷魚上水食埋妳添呀！」
R：「快啲去沖涼呀，唔好阻住我睇電視。」
真係俾佢吹脹，嘥成千蚊嚟時鐘酒店就係俾佢喺度睇Error遊…不過呢個時勢，我諗如果呢度有Netflix提供應該好多人會嚟呢度當私家戲院，但部電視要換返部60吋先夠。
確實，Rachael係個好女仔嚟嘅，有少少麻煩更顯得出佢嘅青春活潑，唔知我今晚會唔會食到佢呢？隨緣啦，不強求，同佢一齊嘻嘻哈哈都幾開心。
我走去個鯨魚大浴缸度放水兼倒消毒水，然後走入個透明玻璃企缸入面，開埋蒸氣浴，開頭頂花灑兼前置噴水頭，實行冰火五重天。