遺跡: 密林遺跡 （4）

「哇好多人呀」雪茄同隊的第二代密密地議論着其他的部隊 「隊長，今次係咩任務黎？點解會有咁多部隊一齊集結？」一個比較機靈的第二代小鬼趁機走向副隊長問，主動省去了那個副字 副隊長輕輕打了小鬼的頭一下說「咁就叫好多部隊，依度好少人。你都未見識過頂級的戰隊集結的時候。我哋依家依種情況係過黎分豬肉，因為規定上，高級的部隊如果搵到一大群普通的異獸聚集時，就要發起徵召令，召集附近的部隊。咁樣係為左俾低級的部隊都可以有機會得到大批的資源同大型作戰的經驗，為未來蓄定經驗」 小鬼邊笑說「咁我地今次即係負責執野就得啦」 副隊長再次輕輕打了小鬼的頭一下「係蓄經驗，當然大家今次拎到幾多資源就拎幾多。平日我地太小人所以隊長先吾俾我地拎，今次有咁多部隊頂係前線，我地就要連埋之前個份都要拎番！打完依次就可以好好咁更改善下大家的裝備同住的環境，吾洗左再好似平時咁，咩都要慳住用。」 部隊的其他人聽到後，第一次參與多人任務的緊張都消散了，平日出任務時的嚴謹狀態都被拋諸腦後。只有蝶和雪茄二人注意到隊長歸來時的面色極其不對勁。 隊長回來後原想直接召開一個內部會議，但當他想說話的時候，起行的聲號已響遍整個臨時營地。 隊長只能簡短說了一句「大家按番平時的做法，謹慎小心。」並在副隊長低語「今次吾正常，隨時預備撤」 這時召集的聲號響起了第二次，隊長不由得罵了一聲「咁急趕住去死咩」才拿回自己的裝備衝回作戰部，完全察覺不到副隊長毫不在意他的說話。 經過長期的軍事訓練，各人都很快收拾行裝起行。 這次總共有兩個三十餘人的中型部隊帶着八個像雪茄所待的小型部隊。按過往的徵召令的習慣，原應等待有三個或以上的中型部隊，及六隊以上的小型部隊聚集一起徵查後才會起行。但兩個中型部隊的領隊都認為再等待下去就會錯失機會，便強行使用職級命令部隊提早出發。 「請預備3分鐘後進行衝鋒」簡短到不能再簡短的作戰計劃出現在所有人的戰術眼鏡上出現。 「嘩原來大部隊做的野就係咁簡單，我地平時又要潛伏，又要偵查，又要預備定後路。人多夠火力就係好，衝過去打就完事」這句說話不知從何人口中說出，但又莫名說中一些人的心底的想法。 隊長這時作為隊裏唯一一個有長距離移動的人終於可以回歸到自己的部隊。他神色凝重地說「我知對好多人黎講，係第一次嘗試咁樣的進攻規模同突入的作戰模式。吾需要緊張，只謹記吾好亂咁拎野，吾好貪刀衝出去，維持戰圈，就可以確保大家安全。總之如果有咩吾對路，我一定會用能力帶番大家衝出去。」