［愛情/甜故/穿越/科學］未來生死戀: 第一二八章：爆發(2)

第一二八章：爆發(2)



**************
「妳知道我冇咗妳之後我點樣呀！妳知道我一個人點樣去療癒自己！」

我內心對楚瑩嘅埋怨攤曬出嚟，埋怨佢唔顧心情要我忘記佢，我做唔到呀！

「嗚嗚⋯⋯」



楚瑩只能夠喊，因為明知係佢理虧，第二係佢根本諗唔到想講乜！

「阿嫂～～」

係妹妹嘅聲，我同楚瑩都望向佢嗰到，

「Edith，妳⋯⋯見到我？」

楚瑩疑惑道，明明佢落嚟阿加百列話淨係得樂行佢見到先至落嚟⋯⋯



「係呀，佢着緊純白色嘅短裙呀嘛！」

「即係我哋兩兄妹都可以見到妳⋯⋯」

我毫不客氣咁同佢講，Edith黑了臉，因為我呢世好少對女仔咁樣，除非佢得罪我好深。

「哥～～你⋯⋯冇事嘛，做乜對你前妻發脾氣呀！」

Edith梗係想做和事佬試圖平息我哋之間爭執，又有少少遷怨我發楚瑩嘅脾氣，



「哥～～咁佢死咗你唔想佢更加唔會想啦！每個人都會有個時限，人生存嘅意義就係喺有限時間去保護身邊重要嘅人同埋突破自己呀！」

「哥～～宜家楚瑩化身咗天使都第一個守護住你，算係唔話得啦，其實佢同你緣份係過曬，佢要同你續緣先同天父祈禱可以同你下世再結為夫婦先自我犧牲，你反而鬧佢⋯⋯」

我以為妹妹係為咗幫住楚瑩先至會漏口講，我嘅雙眼緊緊望住佢，討一句，

「⋯⋯楚瑩⋯⋯真⋯⋯？」

楚瑩冇講乜，只係點頭，流住淚，

「Edith，妳又會點知呢？」

「⋯⋯其實係阿嫂報夢俾我嘅，佢唔想你一直翻唔到轉頭，所以我嚟返Reading係因為楚瑩！」



「樂行～～希望你唔好怪我同Edith，你有一個好妹妹好老婆，佢好着緊你，所以你唔好怪我哋自作多情自把自為⋯⋯」

我頭好痛呀！

Edith，連妳都要喺我背後呃我呀！

啊！究竟妳哋想我點，我唔明！我抱頭跪地，

「你阿哥宜家應該唔想我，我走先啦。」

說罷，楚瑩天使般身影消失⋯⋯

「老公～～」

「算啦⋯⋯我不漏都係咁，由得我啦！」



「我哋係兩公婆，所以乜都要兩個人搞掂！」

Edith佢好大決心，佢應該對我係真心嘅，但我傷佢⋯⋯

「放心，我冇事，我會永遠陪住你，要記住我係你老婆又係你妹妹！」

「得啦！只要楚瑩由呢刻開始到我死唔再搵我我都冇問題嘅⋯⋯」



**************
(下回待續)