［愛情/甜故/穿越/科學］未來生死戀: 第一一三章：Family route trip(18)-德國遊記(2)

第一一三章：Family route trip(18)-德國遊記(2)



**************
今日係12月23號，仲有兩日到聖誕節，所以周圍都會好多人，我哋唔會理，多啲人仲好，有人可以理解同分享喜悅，因為本人係會flirt下女，查實小弟識少少德文，Beauty, hast du heute Zeit für ein Bier?咁樣呀，仲有was machst du heute abend um 11 uhr都ok嘅。其實聽日係平安夜，我哋去咗慕尼黑國有皇家宮廷釀酒廠，係HB啤酒嘅，我其實好想試，之不過我要做柴夫人司機就冇計啦。咁淨係可以買走，女仔就可以飲啦，我同Helena冇得飲！

有人問點解Helena冇曬影，係佢真係冇太多出場，俾一句佢啦，

「我唔制呀，點解Ivan可以用德文溝女我唔可以飲酒呀？No make sense lor！」



得啦，Edith係知㗎，但你未成年飲酒係本身唔啱，make 唔 make sense係政府話嘅，我唔話得事嘅，你都係搵政府寫呢條法例嘅人啦！

爾後，回到老城區，慕尼黑王宮嘅博物館啦，其實旅行去博物館我係唔反對嘅，我哋只不過係睇下宮殿嘅建築，佢係巴伐利亞君主嘅王宮，室內嘅裝飾，皇家典藏亦都係最重要，

我同Edith一齊喺王宮花園影相，

「老婆～～妳啲pose好大媽啵～～哈～～」

「好衰㗎老公你！」打情罵俏真係好正，M底魂啟動！



旁邊有個叫統帥堂，類似中正紀念堂有個坐喺度嘅雕像，

然後轉到聖母教堂，一間哥德式教堂，有2座塔樓，喺二戰被轟炸，聖誕前好熱鬧，氣溫好低，得嗰負8度，Edith就算着住大褸都要我懷抱先可以warm到，其實在場嘅夫妻情侶都係咁，冇乜咁出奇，我哋兩個都面都紅曬，因為太凍，因為咁耐未有過咁親密接觸，

「老公～～我手有啲凍⋯⋯」

「妳捉住我隻手跟住攞落袋呀！」

「好在有帶暖包啫，好勁呀老公仔～～」



周圍聖誕氣氛濃鬱，小童報佳音，聖誕樹嘅裝飾輝映住，瑪利亞廣場上人仲多，附近有兩個市政廳，

再行下去到一個城門，有乜特別，呢度通常係旅遊巴上車嘅地方w，

And than去咗紐倫堡食紐倫堡腸，再去opera house到聽Christmas Opera，再喺中心行Christmas 市集，收工！



**************
(下回待續)