［愛情/甜故/穿越/科學］未來生死戀: 第九十四章：解開心結

第九十四章：解開心結



**************
我哋都羞臊咁望住對方塊浮上厚厚胭脂嘅面豬登，雖然我哋基本上就快要做夫妻，好應該乜都搞掂曬，特別係相處方面，但點都係非常尷尬，因為我哋之前嘅身份係兄妹，因為我哋闊別多年，一個喺北面一個喺南面，而且係聚少離多，突然之間感情又撻翻着，我哋都有啲唔知點樣面對，

「Edith，我覺得我哋唔應該咁樣尷尬落去，不如妳聽日都同我同房啦！」

「好呀，老公～～咩都聽曬你話，不過⋯⋯」



我睇到佢嘅疑慮，跟住：「放心，老婆～～我會同Helena好好解釋㗎！」

「咁都好啲，我最擔心佢始終未經人事，未拍過拖，仲係好懵懂單純，所以⋯⋯」

「妳放心，我會叫紫柔好好教佢㗎啦！」

我開始不覺得尷尬，因為我倆都係久經人事，已經成熟，Edith嘅氣質比起以前變得不一樣，雖然唔可以話得上係風韻猶存，佢始終比起少女時代嘅佢變咗好多，宜家佢已經係個舉止優雅嘅美美少婦。佢嘅樣雖然冇乜點變過，依然係嗰個童顏嘅Edith。

我哋傾下計之後，我就繼續躺喺浴缸入面，真係好溫暖舒適，因為外面的確係好凍，我便想喺到瞓一個好覺⋯⋯



「老公～～起身呀，你手手腳腳就嚟變成老人家手啦！」

所謂老人家手即係隻手有啲皺，就係好似老人家咁樣皮膚鬆弛會有一摺摺嘅情況，

「係啦係啦！我起身㗎啦！」之後我拎起毛巾抹身，抹完之後就着酒店嘅浴袍出浴室，我就走咗上床，我見到Edith佢着浴袍好靚，首先佢為咗唔整濕個頭，將啲頭髮札起曬，柔如絲般嘅頭髮整成圓滾型嘅髻，完全散發出身上嘅女人味，其次，浴袍係低V領，所以深邃嘅乳溝，好非性感。

「老公～～不如飲下牛奶一齊睇片啦！」

「好⋯⋯好呀！」



我從雪櫃攞出兩個玻璃樽嘅牛奶，係喺Carrefour到買翻嚟，牛奶來自法國比利牛斯山食草牛，濃厚奶脂，浸浴完飲牛奶係最好，



*************
(下回待續)