［愛情/甜故/穿越/科學］未來生死戀: 第八十一章：Family route trip(13)-比利時遊記(8)

第八十一章：Family route trip(13)-比利時遊記(8)



***************
揸成個鐘車就到安特衛普，我哋首先去咗安特衛普中央火車站。呢個火車站有「鐵路大教堂」嘅美名，車站前身為簡易木質車站。車站糅合咗唔同建築風格。我哋只係喺外圍到睇，都幾靚！



火車站相當之唔錯，呢個觀光遊客比較少，所以好適合慢遊嘅，由求是係喺安特衛普舊城區，好舒服！隔離有Meir步行街同動物園，動物園入場之後一定好耐參觀，所以轉戰步行街，其實係班女s唔想啫，佢哋要買嘢，Zara呀、H&M呀咁嘅，我就係喺到有三個任務，一係負責俾錢，二係負責拎戰利品，三係用自己部菲林相機影當地街道建築物同人像，建築物都設計得幾豪華。樂行荷包關注組表示：-€5萬。然後我哋揸車走走，路經歌劇院，車上遠觀。我哋最後係一處臨海處泊車，check下戈戈地圖，原來係一個叫Het Steen嘅小型城堡，城堡入口處有一個巨人雕像。係可以免費入去，but過我哋冇入到去，





行前少少就有市政廳，都一樣，that my thing，就好似女人唇膏顏色咁，全部都係紅色，佢哋會話有深紅、淡紅、淺紅、玫瑰紅、粉紅、桃紅、胭脂紅、朱紅⋯⋯我都係去隔離個噴泉先，有個雕像嗰度作為出水位，我手持一杯mocha，比利時朱古力係最好嘅，配合住美景，正！我幫我嘅咖啡影咗個靚相，very good呀！個杯Mocha景深同background好夾！



之後我哋去咗聖母主教座堂，始建於1351年，尖頂高123米。雖然第一階段建造已於1521年結束，但主教座堂至今仍未全部完工。主教座堂呈現出哥德式風格。主教座堂收藏咗好多彼得·保羅·魯本斯的作品。參觀教堂免費但有藝術畫作所以要錢，魯本斯嘅《上十字架》最為吸引我，肌肉嘅線條、顏色掌握、聖經故事交代清楚。





好啦，12點夠鐘食lunch啦，其實我哋微調咗行程，因為唔順路，根特去安特衛普再去布魯塞爾跟住去盧森堡順路啲。Lunch都係食翻嗰間地中海菜餐廳，食完去咗河畔博物館，最eye catching莫過於佢個外牆係紅砂岩同弧形玻璃面板建造嘅，我哋可以有270度睇到安特衛普市內短小嘅建築物同凸出既教堂，同住我哋去咗internet red打卡hot spot：Parkbrug橋！不同光影效果同造型獨特嘅橋會有唔同效果，相當殺食！

And then我哋跟住去到聖保祿教堂，教堂建築風格兼具哥特式同巴洛克式。我有進入去，呢個係天主教教堂（其實之前全部都係），我都有祈禱讓天父指引我擺脫煩惱，我全程肅穆莊嚴，




好啦，我哋參觀完教堂就去魯本斯屋企，佢屋企好有文藝氣息，大概知道呢位人兄畫畫風格係點，自十八世紀中葉起，魯本斯屋企歷經多次翻新同轉手，逐漸被遺忘喺歷史塵埃之中。



最後我哋揸車離開安特衛普前住比利時首都布魯塞爾！我哋酒店係喺布魯塞爾首都大區邊陲位置，所以我哋買完啤酒先check in 酒店啦！



****************
(下回待續)