崩壞人生的一夜情: 51

「對唔住啊………係我冇用！！要你受依D苦……唔好做啦……應承我唔好再做啦……我唔想見到你再受依D苦……」聽完雪瑩今日的經歷，我忍不住淚水大哭起來。 

「老公，唔做我地邊有錢……」雪瑩無奈地道出現實。 

「我轉工！我轉一份收入穩地D既工！我地公一份婆一份會夠用架！你唔好再做啦！」我信誓旦旦地說。 


雪瑩也同意了我的提意，最後我轉到茶餐廳做樓面。 
因為茶餐廳包了伙食，讓我的開支也減少。月入大概九千左右。而雪瑩由於學歷連中五都沒有，最後只能到旺角的小型商場中當售貨員。 



兩個人加起來萬餘元的收入總算過得去，我們總算過了一段平淡幸福的日子。 

直至雪瑩工作的小商店最後抵受不住租金而結業…… 
之後雪瑩一直找不到新工作。幾個月來依靠我那九千元的月薪和之前的那一點點的儲蓄去過活。 
我深知道實在不夠，任我再努力，對工作再有熱誠，九千元的月薪就是九千月的月薪。這年頭茶餐廳能抵受得住租金已經算經營得不錯。更莫論加人工。 
所以我決定犠牲睡覺的時間，下班再到便利店上班。 
從此起，我每天只有四小時的睡眠時間。 
雖然看不到任何將來，但有雪瑩陪伴著我也就夠了。 

不過，才不到兩個月，我身體已經支持不住。在便利店正作時突然暈倒。 


醒來的時候已經身在醫院。我沒有笨到像電視劇一樣，第一句對白就問這是那裡？ 
也沒有追問只己的病情，因為我很清楚自己只是疲累過度。相信睡過了就會沒事。 
反而身邊的雪瑩就很擔心。 

「老公！你唔好再做啦！你再捱唔掂架！」雪瑩擔心地說。 
「放心啦！我訓下無事啦！」我拍拍自己心口。 
「不如……我出返黎做丫……咁你未唔洗咁辛苦囉……」雪瑩輕聲說。 
「唔得！我點可以比你再受苦！」我捉著雪瑩的手說。 
「唔通要你一個受苦又得！兩個人係埋一齊唔係分享苦與樂架咩？我跟本就唔怕受依D苦！上次你叫我唔做，我會聽你講都係因為怕傷得太重……以後幫唔到你生BB……我好驚，我好驚自己依家其實都已經生唔到BB……」雪瑩說。 
「點都好，我唔想你出黎做。」我說。 


「我問你，如果我生唔到BB你仲會唔會要我架？」雪瑩擔心得雙眼通紅。 
「點會！如果真係生唔到BB，我就順手做埋BB既角色，等你照顧，比你湊！」我認真地說。 
雪瑩聽到我的說話後，就甜絲絲的笑起來。 
「咁如果我生到，你都做我BB好唔好啊？」雪瑩笑著問。 
「好！」我回應。 
「BB乖！咁依家到我湊你啦，你想食咩啊？」雪瑩高興地問。 

往後，雪瑩就喜歡用BB來稱呼我。 
在我出院後亦因為身體真的支持不住，所以沒有再做兩份工作。 
我知道雪瑩有偷偷去「工作」，但我沒有拆穿。畢竟自己真的沒養活她的能力。拆穿了又能怎樣？ 
在你瞞我瞞的情況下，我們總算得到了快樂。 
不過，這都只是短暫的快樂。