崩壞人生的一夜情: 35

以芷晴跟媽的合力，不消一刻就已經滿枱豐富飯餸。
幸福愉快的環境，餐桌上在電視聲陪襯一家人說著笑，吃著晚飯。這種之前我認為不可能再發生的環境，像夢境般再光臨我眼前。
本來我心境保持著愉快，直至電視的畫面出現變動……
 
一個似曾相識的畫面，一個似曾相識的人 — 西裝男。
畫面播放著的，正是一個記者招待會……
「Suki依面唔該！Suki依面…」記者們「照舊」地叫喊著。
 
畫面太相似了……太相似了……
 


「Suki，可唔可以講下當晚發生咩事？」記者「照舊」地問。
 
一樣！！連問題都一樣！！
 
「當晚我飲到好醉……我根本唔知發生左咩事……」語畢，那個叫Suki的靚模就開始哭慘了。
 
根本一樣！！根本就一撚樣！！
改變的只是受害人不是我，靚模不是Kosaki！事情還是一樣發生了！
因為會促成這事情發生的人還存在！就算我能解決Kosaki，我能解決Suki，最後還是會出現一個叫Yumi或叫Yuki的靚模！
要解決，就應該解決問題的根！而不是去解決這種傀儡靚模！


反正未發現木曉然之前我已經有解決西裝男的覺悟！更何況我有木曉然，解決一個人實作太容易了！
 
「個女仔都好慘喎，比人強姦完仲要出黎交代。」老媽同情地發表意見。
「係啊，做藝人真係幾慘！」妹妹附和。
 
一撚樣！！真的一撚樣！！
 
「依家Suki既情緒好唔穩定，今日不如就咁算啦，我地公司會保留追究既權利！」西裝男講完以上對話，就帶著那位叫Suki的靚模離開。
 
「人渣！」我按捺不住自己的情緒，人聲叫了出來。


「放心啦仔，依D人會有天收！影曬相，警察要捉人好易咋！」老媽回應。
 
大家也理所當然地認為我所講的那位「人渣」是那個倒楣的「強姦犯」。
不過我倒認同老媽那句有天收！如果由我去收那位人渣的人，我不就是替天行道吧！
相信現今沒有人比我更能明白這位「強姦犯」，也只有我能拯救你於水深火熱間！
大家既然同是天涯淪落人，我定會伸出援手！替你逃離你那倒楣的人生！
 
一直以來，世界教導我們的，是用子彈捍衛和平，用殺害來維護正義！
 
我要維護正義，就只能以暴還暴！讓我解決西裝男，讓世界不會再出現第三個倒楣人！
放心吧新任「強姦犯」！
 
我決定解釋西裝男後心情變得沉重，但表面上繼續保持輕鬆的感覺跟家人進餐。
晚餐後我們就像典型的香港家庭，一家人坐於沙發中觀看TBB。
 


晚間新聞後，我就送芷晴歸家，再自己回家。