屬於你同我嘅Timing

Timing 是一個殘酷的現實。

太早不成、太晚不行。

在愛情路上，誰都盼望對的時間遇上對的人或事。讀書時期，遇到一生人最愛嘅ABCD，但可惜一齊嘅時候未識愛同處理一段關係，⼀直用錯方法，傷害佢同時傷透自己；理所當然，只能不歡而散。

直至若干年後，經歷過大大小小人生閱歷，學懂珍惜同處理一段關係嘅時候，發現身邊嘅人已經變成EFGH。

Timing 真係咁重要？





對ABCD念念不忘，唔認輸嘅自己，再一次聯絡，甚至有另一半都好，不論天各一方，還是不相往來，也盼望能夠再續前緣、愛火重燃。

可是，「錯過就係錯過」、「次次出現係大家錯嘅時間，一次係咁，兩次三次又係咁，到今次都係咁」、「點解一開始唔珍惜？」，全部都係預計之內。其實各自分開得太久，又何必將天南地北再次拉在一起。

就在此時，

：「如果依家有最後一次機會，你會唔會分手同我一齊呀，你都唔會啦？」

：「我會呀」





Timing重唔重要，我唔知。

我淨係知，人只能活一次，真正為自己活一次，人生唔想留下遺憾。世俗眼光、旁人感受都可以唔理，只係發自內心，你問十次我十次都答「會」。

：「Timing 唔啱」

即使幾多年後，我對EFGH嘅愛永遠都唔及ABCD深，唔係Timing 啱唔啱，只係愛得夠唔夠。

：「每次出現都想同返你一齊」
印象中，第三次係ABCD口中聽到呢番說話，亦永遠留下一個位置。





但願有一天，你見到呢段文字，知道自己係ABCD
但願有一天，你知道2018/10/31所説的話，全都係謊言
但願有一天，你同我講幾時先係good timing
但願有一天，你愛得比我「夠」。

：）