我把愛，遺留在圖書館內: 第八章

回到家後，我看了一頁已經不自覺睡著了。
 
「你有無咁誇張啊？」阿曦在電話中笑我誇張。
 
「真係架，如果妳失眠，我推薦睇書。」我躺在床上說。
 
「仲玩，你唔係要交報告比Miss吳咩？」
 
「係，但下星期五先交。」
 


「咁……聽日你陪我行街？」
 
「但我聽日約左阿文、阿威去打網吧……」
 
「喔……」
 
「對唔住啊，我一早約左佢地先。」
 
「唔緊要啊，我明白。」
 


談過戀愛的人都知道，分配時間給戀人和朋友，不是一件易事。
 
在熱戀期時，糖黐豆是正常的，可是在其後，就是一個難題。
 
但我很幸運，有阿曦這個女朋友。
 
她很體諒人。
 
「同埋之後果個禮拜，我都要搞sing con既野，陪唔到妳放學啦。」我說。
 


 
到了下個星期五，我被Miss吳留了下來。
 
「張卓樹，你都中五啦，你覺得有無睇過，老師會睇唔出？」
 
就這樣，我被她罰了抄「我以後不會不認真對待老師的功課」一百次。
 
他媽的。
 
每當我抄書時，我都心想，如果我左手也能寫字就好。
 
當我完成小學才會做的抄書後，已經天黑了。
 
我打電話，看一下阿曦在哪裡。
 


已經一個星期沒找她放學。
 
轉捩點，好像就是在這裡開始的吧？
 
「呃…….」
 
「喂？」
 
「我…..去緊長洲。」
 
「長洲？無聽妳提起過既？」我疑問道。
 
「其實我一早想講，但你呢排好忙……」
 
「喔……過夜？」


 
「嗯……」
 
「喔……同邊個去？」
 
「阿螢、美寶…….」
 
「三個人？」
 
她沉默了一會，我的心開始感到有了不妙。
 
「…….仲有高佬、輝同阿峰」
 
「……」
 


「樹？」
 
「妳可唔可以唔去啊？」
 
「但我地已經係碼頭，上埋船。」
 
「妳可唔可以唔去啊？」我再問一次。
 
「阿樹，你唔信我？」
 
「我唔係唔信妳啊……我係唔信佢地。」
 
「我地係朋友黎架咋，只不過朋友出去玩。」
 
「但你地去過夜，仲要有男仔一齊去……」


 
怎麼妳不明白？
 
怎麼妳不明白我會擔心，不放心妳跟其他男生出外過夜？
 
「無事，你信我好無，我地只係朋友。」
 
如果他們當妳不是朋友呢？
 
「你可唔可以，真係唔去？」
 
「乖啦，阿樹。」
 


我不是對妳沒信心，而是對喜歡妳的阿峰沒信心。