穿越時空，冒充平行世界嘅另一個自己，再去呃佢條女上床: （165）

見大家傷成咁，張醫生好想同老婆一齊幫眾人療傷。

只不過帝洛斯實在太過可怕，根本無法接近。

而子瑜見到Mike咁傷，感覺到非常心痛：「Mike你頂住呀！」

「我無事！你唔好行埋嚟呀，呢度好危險！」Mike嘅傷口不停流血。

唔知係咪因為失血過多，佢望住遠處嘅子瑜，視線漸漸變得模糊。





子瑜實在無辦法，眼白白望住Mike再咁樣落去，出於愛同憐憫，佢冒住生命危險，想衝過去救走對方。

殊不知突然間，有兩個時空使者踩住架識飛嘅滑板，由觀光塔衝落嚟攔住佢，並且捉住佢將佢帶上塔頂。

「做咩呀？快啲放開我！」子瑜無法掙脫。

Mike雖然視線模糊，但都睇見子瑜被兩個人捉走左。

佢強忍住痛楚，起身想去拯救對方，然而卻被帝洛斯阻撓。





「喂！你想去邊呀？」

帝洛斯一手叉住MIke條頸，想逼附身喺Mike體內嘅帝尼爾現身：「死老嘢！唔好匿埋啦！快啲出嚟見我！」

「咳咳…」Mike用力掙脫，嘗試擺脫對手嘅魔爪。

另一邊廂，子瑜已被帶到塔頂，見到佢上司嘅上司，亦係時空使者之中，最大粒嗰個話事人——陳總司令。

「33568，你知唔知帝洛斯喺各個平行時空搗亂，殺左好多人，不停製造混亂，而呢個局面係你有份造成。」





陳總司令嚴肅責備：「你身為時空使者，唔單止無好好保管時光機，仲要干預時空運作，最後搞成咁樣，真係豈有此理！」

「對…對唔住…但係依家Mike有危險，我要去救…」

「收聲！我未講完！」陳總司令打斷子瑜嘅說話，「你阿頭本來想用時間倒流儀，逆轉一切發生左嘅事，可惜佢失敗左，依家為左收拾呢個殘局，我地唯有動用最強武器。

講完呢句，陳總司令就一聲令下，叫其他嘅時空使者，啟動佢口中嘅「最強武器」。

隨即，嗰架巨大嘅懸浮軍艦，甲板上層升起一座炮。

一座口徑好大嘅巨型大炮。

「呢支係『破壞衝擊炮』，能夠射出威力極之強大嘅毀滅炮彈。」陳總司令解釋。

「破…破壞衝擊炮？佢對付到帝洛斯？」子瑜問。





「無錯！呢支炮每隔五十年先可以啟動一次，咁啱今日就係到期之日，只要再過多一分鐘，破壞衝擊炮就可以再次發射。」

「太好啦！即係Mike佢地有救！」子瑜鬆一口氣，終於露出笑容。

陳總司令命令時空使者，將破壞衝擊炮瞄準觀光塔底下嘅帝洛斯。